MATÉUS 8:5 - Bahasa Manggarai New Testament

⁵ Du Mori Yésus ngo nggeroné béo Kapérnaum, mai cengata kepala de serdadu te cumang Hia, te tegi agu Hia:

MATÉUS 8:5 ပူးပေါင်းရင်းမြစ်များ

MATÉUS 11:23

Agu hau Kapérnaum, asah weli hau, te téti haéng awangh? Toé, hau kéta te rendak na’a wah, haéng lino disét matah! Ai émé oné Sodom mangas tanda lenget, ata poli jirid oné bahi-réha méu, béndar hitu toét-toé manga kin dengkir te ho’on.

MATÉUS 27:54

Kepala de serdadu agu sanggéd serdadu ata lami Mori Yésus, cirik rantang kéta taungs du ita lisé nupung agu sanggéd situt ata polid, itug kali mai taéd: “Tu’ung-tu’ung kéta, Hia ho’o Anak de Mori Keraéngy.”

MATÉUS 4:13

Ledong Liha béo Nasarét agu ka’éng oné Kapérnaum, oné lupi sano tana Zébulon agu Naftali,

MATÉUS 9:1

Du poli hitu Mori Yésus léti perahuy agu ngo besinan. Itu kali cain Hia oné béndar de Run.

MARKUS 15:39

Du kepala serdadu ata hesé dungka Hia, ita rowa Diha nenggituy, mai taén: “Tu’ung kéta ata ho’o Anak de Mori Keraéng.”

MARKUS 2:1

Poli hitu, pisa leso musi main, du Mori Yésus cai kolé oné Kapernaumy, dengé tombo te Hia manga oné mbaruy.

TOMBO PÉTÉ GORI DE RASUL-RASUL 22:25

Maik du pandé toko télan lisé hi Paualus, kudut onggay, mai taé diha ngong tentera situt lari dis: “Ngancéng méu ongga ata Roma, céwén kolé toé olong agily?”

TOMBO PÉTÉ GORI DE RASUL-RASUL 23:17

Itu kali hi Paulus bénta cengata tentera agu mai taén ngong hia: “Dadé ata reba ho’o oné kepala tentera, ai manga ca sékék ata paka tombo agu hia.”

TOMBO PÉTÉ GORI DE RASUL-RASUL 23:23

Poli hitu kepala tentera bénta sua taus tentera agu mai taén: “Mengkek sua ratusn tentera kudut ngo oné Kaisaréa agu pitumpulun ata léti jarang agu sua ratusn ata ba korung, aram ongga ciok wié ho’o.

TOMBO PÉTÉ GORI DE RASUL-RASUL 27:13

Du hitu buru sesol sili mai. Bet disé te apa ata nuk lisé toét-toé haéngy. Isé rongkas jangkar itu kali lajar ruis kéta lupi nanga Kréta.

TOMBO PÉTÉ GORI DE RASUL-RASUL 27:31

Landing hitu hi Paulus curup agu tu'a de tentera agu sanggéd tenteran: “Émé toé ka’éng oné kepals, méu toé ngancéng selamaks.”

TOMBO PÉTÉ GORI DE RASUL-RASUL 27:43

Maik tu'ad tentera situ nanang te selamak hi Paulus. Landing hitu hia ré’ing néka ruda olo nuk disé agu perénta, kudut sanggéd ata pecing anging olo isé nggere-wa tacik agu ngo nggere-lé tana masa,

TOMBO PÉTÉ GORI DE RASUL-RASUL 9:38

Ai Lida hitu ruis agu Yopé, ata nungku situt dengé hi Pétrus manga oné Lida, jera lisé sua taus ngo siro hia agu tegi: “Gélang koé mai oné béo dami.”