MATÉUS 8:4 - Bahasa Manggarai New Testament

⁴ Maik taé de Mori Yésus ngong hia: “Nuk dé, néka toi apa ho’o agu céing kaut, maik ngoh ga, toto wekim agu imam agu téing takung ata baté wuat di Musa, ai hitu tandan te pecing lisé.”

MATÉUS 8:4 ပူးပေါင်းရင်းမြစ်များ

MATÉUS 10:18

Agu landing kaut Aku, méu todang ba oné ranga disét cau kuasa agu raja-raja ného ca sakasi latang té isé agu té sanggéd uku ata toé pecing Mori Keraéng.

MATÉUS 16:20

Poli hitu Mori Yésus ré’ing ata nungkun kudut néka tombo agu céing kaut te Hiay Mésias.

MATÉUS 17:9

Du kolé éta mai pocod, pedé le Mori Yésus agu isé: “Néka kéta tombo agu ata le méu, apa ho’ot ita de meu oné céing kaut émé toéd to’o kolé oné mai ata matan Anak Manusia.”

MATÉUS 3:15

Mai wantil de Mori Yésus agu hia, taén: “Kong jarid sanggéd situ, ai nenggitu muing ata kopn lité kudut rapak sanggéd ngoéng de Mori Keraéng.” Lorong kaut Hia li Yohanés.

MATÉUS 5:17

“Néka nggo’o nuk de méu, mai Daku kudut té pandé moras Adak Taurat ko Surak de nabi-nabi. Mai Daku toé kudut te pandé moras, maik te pandé jepeks.

MATÉUS 6:1

“Nuk di’a, néka kéta pandés lut perénta de agamam oné ranga data, kudut pala ita lisé, ai émé nenggitu, méu toé delék lahén oné mai Emas hitut manga éta Surga.

MATÉUS 9:30

Itus kali wela kauts mata disé. Agu Mori Yésus masa kéta pedén latangt isé, mai taéN: “Lélo, porong néka cengatan te baé apa ho’o.”

MARKUS 13:9

Maik méu, jerék koém! Méu te mboték latam oné ranga de Adak Agama agu méu kudut ongga latam oné mbaru ngaji agu méu te ba oné ranga disét cau kuasa agu de raja-raja landing Akum, kudut ciri saka-si laing latang te isé.

MARKUS 3:12

Maik Hia ré’ing tu’ung kéta isé, néka tombo céing kéta Hia.

MARKUS 5:43

Langi tu’ung Liha agu isé, kudut néka cengatan ata pecing pandé hitu, og kali jeras Liha isé téing hang anak koé hitu.

MARKUS 6:11

Agu émé manga ca osang ata toé tiba méu agu émé isé toé ngoéngd te séngét méus, kolé nitu mais agu péntang kaut kebok situ wa wa’is latang te langi agu isé.”

MARKUS 7:36

Mori Yésus pedé agu sanggéd ata manga nitu, kudut néka tombo agu ata céi-céing kaut. Maik koném ré’ing ného nia kaut isé Liha, danga-danga molé lisé tombon.

MARKUS 8:30

Itu kali Mori Yésus ré’ing tu’ung kétas isé, kudut néka kéta tombo oné céi-céing kaut latang te Hia.

MARKUS 9:9

Rémé koléd éta mai poco hitu, Mori Yésus ré’ing isé, kudut néka tombo agu céing-céing kaut, apa hitut poli itan lisé, émé Anak Manusia toé di to’o koléy oné mai ata matan.

LUKAS 17:14

Itu kali Hia lélo isén, agu mai taén: “Ngom ga, toto wekis oné imam.” Agu rémé ngai oné salangd, dumuk ciri di’a kaut wekid.

LUKAS 21:13

Apa hitu te ciri leso linga te méu kudut téing sakasi.

LUKAS 4:41

Oné mai isét do situ, pé’ang kolés jing da’at cang agu ciékd: “Ité Anak de Mori Keraéng.” Itu kali ré’ing kéta isé Liha néka curups, ai baé lisé, Hia hi Mesias.

LUKAS 5:14

Mori Yésus ré’ing ata hitu te tombo oné céing kaut, mai taén: “Ngoh ga, toto wekim agu imam, agu ba takung landing helis kolé wekim, takung ného baté adak di Musa, kudut si’ang tu’ung latang te isé.”

LUKAS 8:56

Jenger taungs ata tu’an situ; maik Mori Yésus ré’ing isé te tombo oné céing kaut tanda lenget hitut poli jarin.

LUKAS 9:21

Itug kali Mori Yésus ré’ing kéta isé, kudut isé néka tombo oné céing kaut caro hitu.

YOHANÉS 5:41

Aku dé toé nanang hiang le manusiak.

YOHANÉS 7:18

Céing ata curup oné mai weki run, ata hitu kawé te hiang weki run, maik céing-céing ata kawé hiang latang te Hia hitut wuatN, hia laing salangn agu toé manga ata toé molorn oné hia.

YOHANÉS 8:50

Maik Aku toé kawé hiang te weki Rug; manga ca’y ata kawén agu Hia kolé ata beté-bicar.