MATÉUS 8:3 - Bahasa Manggarai New Testament

³ Itu kali losn limé de Mori Yésus, asur ata hitu, agu mai taén: “Gorig Aku, inah ga.” Du hitu muing inan boké data hitu.

MATÉUS 8:3 ပူးပေါင်းရင်းမြစ်များ

MATÉUS 12:13

Maig taé de Mori Yésus ngong ata hitu: “Lendor limém!” Itug kali lendor limén, rodo di’ag kaut limén hitu, agu di’a muing ného limé cecupun.

MARKUS 1:41

Itug kali kendut kéta nai Diha ali momang, og kali Hia los limén asur ata hitu agu mai taén ngong hia: “Ngoéng’g Aku, inah betim ga.”

MARKUS 4:39

Itu kali to’on Hia wa mai, kenta warat hitu agu curup nggere-oné sano hitu: “Lik hau ga! Leteth ga!” Itug kali likn warat hitu agu sano hitu letet tu’ungy.

MARKUS 5:41

Itug kali cau Liha limé de anak koé hitu, mai taén: “Talita kum,” ngong: “Oé anak, Aku taé agu hau, to’oh ga!”

MARKUS 7:34

Rémé nggitun, cang agu conga nggere-éta awangn, Mori Yésus do’éng nai mésén agu curup oné hia: “Éfata!” ngong cengka ga!

MARKUS 9:25

Du ita le Mori Yésus tambang molés cewurd ata do, renti Liha jing da’at hitu, agu reweng mésén, mai taén: “Oé hau jing da’at ata pandé dopel agu nenteng, Aku mbér hau, pé’ang ga oné mai anak koé ho’o agu néka mai koléh!”

LUKAS 4:27

Agu du uwa di nabi Élisa, dod ata boké oné tana Israél, toé kéta cengatan oné mai isé ata helis wekid hanang hi Naaman ata Siria hitu.”

LUKAS 5:13

Itu kali los limén Mori Yésus, asur ata hitu, agu mai taén: “Ngoéng’g Aku, ciri helis kolé weki de hau ga.” Du hitu kéta muing morad bokén.

LUKAS 7:14

Poli hitu Mori Yésus ngo ruis berotong agu cabi Liha rapu hitu. Og asis isét rakangn. Mai taé de Mori Yésus: “Aku curup agu hau; nana, to’oh ga!”

YOHANÉS 11:43

Du poli curup hitun, kinda Hia, agu kepok: “Lazarus, pé’angh ga!”

YOHANÉS 15:24

Émé rapangn Aku toé pandés oné beréha isé sanggéd gori ata toé dé’it pandés lata bana, tandan isé toé manga ndékokd. Maik ho’o ga koném po poli itad taung sanggéd situ lisé, isé kodo Akus agu hi Emag.

YOHANÉS 5:21

Ai cama ného hi Ema pandé to’o isét mata agu pandé mosés, nenggitu kolé Anak pandé mosé céing kaut ata ngoéng laing Liha.