MATÉUS 7:7 - Bahasa Manggarai New Testament

⁷ “Tegi ga, manga kali téin agu méu, kawé ga, manga kali itan le méu, nontong ga, manga kali céngkan para latang te méu.

MATÉUS 7:7 ပူးပေါင်းရင်းမြစ်များ

MATÉUS 18:19

Agu can kolé taé Daku agu méu: Émé sua taun oné mai méu oné 1ino ho’o cenais te tegi apa kaut, tegi disé situ sendos le Ema Daku hitut éta Surga.

MATÉUS 21:22

Agu apa kaut ata tegi de méu oné ngaji, agu imbi tu’ung kéta, mangay kali tiban le méu.”

MATÉUS 6:33

Maik olong kawé di perénta de Mori Keraéng agu molorn, wiga situt ce dod ata tambang kauts oné méus.

MATÉUS 7:11

Jari, émé méut da’at pecing téing apa ata di’an agu anakn, apan kolé Emas hitu éta Surga! Hia te téing ata di’an oné isét tegi agu Hia.”

MATÉUS 7:8

Ai néténg-néténg ata hitut tegi, manga tiban, agu néténg-néténg ata kawé, manga néng itan, agu atat nontong, céngka de para latang te hia.

MARKUS 11:24

Landing hitu Aku taé agu méu: apa kaut tegi de méu, agu ngajis, imbi tu’ung te poli tiban le méu, apa situ te téings oné méu.

LUKAS 13:25

Émé hiat ngara mbaru poli to’on agu tadu paran, méu te hesé be pé’angm agu nontong mtaung para, mai taés: Keraéng, cengka koé para te ami! Agu Hia te walé agu mai taén ngong méu: Aku toé baé mai nia mais méu!

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

YOHANÉS 15:7

Émé méu ka’éng oné Akum, agu curup Daku ka’éng oné méus, tegi apa kaut ngoéngs, méu te tibas.

YOHANÉS 4:10

Mai walé de Mori Yésus agu hia: “Émé pecing le hau latang té widang de Mori Keraéng, agu céing Hia ho’ot curup agu hau: Téing Aku inung! Toé te toé hau tegi agu Hia, agu Hia poli téing agu hau waé mosé.”

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

ROMA 3:11

Toé manga cengatan koé ata manga utekn toé manga cengatan koé ata kawé Mori Keraéng.

IBRANI 11:6

Maik émé toé manga imbi, toé manga ata kopn oné Mori Keraéng. Ai céing ata holés nggere-oné Mori Keraéng, ata hitu paka imbi te Mori Keraéng hitu mangay. Hia kolé paka imbi te Mori Keraéng téing lahé oné ata situt tu’ung-tu’ung kawé Hias.

JAMES 5:15

Ngaji landing le imbi disé oné Morin Keraéng ngancéng ina laing beti data hitu. Émé ata beti hitu manga ndékokn, ndékok diha te ampongs.

1 YOHANÉS 3:22

Sanggéd taung tegi dité sendos Liha, ai ité lorong sanggéd peréntaN agu pandé cembes naiN.