MATÉUS 7:11 - Bahasa Manggarai New Testament

¹¹ Jari, émé méut da’at pecing téing apa ata di’an agu anakn, apan kolé Emas hitu éta Surga! Hia te téing ata di’an oné isét tegi agu Hia.”

MATÉUS 7:11 ပူးပေါင်းရင်းမြစ်များ

MATÉUS 23:9

Agu méu néka kéta bénta ema, céing kaut oné lino ho’o, ai hanang ca kali emas, Hia hitut éta surga.

MATÉUS 7:10

Ko téing ulary, émé hia tegi ikang?

YOHANÉS 3:16

Ai nenggitu mésén momang de Mori Keraéng latangt lino ho’o, wiga Hia téing Anak'N ata léca kudut sanggéd ata imbi Hia toé matas, maik haéng mosé tédéng lén.

ROMA 3:19

Maik baé lité te sanggéd cao-ca ata poli tulis oné Surak Taurat, latang te ata siot mosé lorong wintuk Taurat, kudut tadu néténg mu’u, wiga temu tana lino be-wa mai beté-bicar de Mori Keraéng.

ROMA 3:9

Jari, co’o gi? Tu’ung kétat ité ho’o manga labid oné mai ata bana? Toé kéta manga. Ai béta hio bao, poli mangkong ata Yahudi ko ata Yunani té sanggéd taung isé wa-mai kuasa de ndékok,

ROMA 8:32

Hia ata toé momang Anak Run, maik téi Liha latang te sanggén taung ité, ngancéng weli Hia toé téi sanggéd cao-ca oné ité kolé?

GALATIA 3:22

Maik oné Surak Nggeluk poli tulis, te sanggéd manusia poli kuasa le ndékok. Landing hitu widang hitut poli reké lut imbi oné hi Yésus Kristus, téing oné isét imbi Hia.

JAMES 1:17

Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

1 YOHANÉS 3:1

Idep dia-dia! Mésén tu’ung momang hitut widang de Mori Keraéng latang te ité, wiga ité téti ciri anakN. Tu’ung kéta dé, te ité ho’o anak de Mori Keraéngt. Hitu tara toé pecing itén lino ho’o, ai lino ho’o toé pecing Mori Keraéngy.

1 YOHANÉS 4:10

Betuan momang hitu nenggo’oy: Toé ité ata poli momang Mori Keraéng, maik Mori Keraéng ata poli momang ité, le wuat AnakN te koso sanggéd ndékok dité.