MATÉUS 6:9 - Bahasa Manggarai New Testament

⁹ Itu tara ngaji nenggo’o: Ema dami éta Surga, Nggeluk koé ngasang Dité,

MATÉUS 6:9 ပူးပေါင်းရင်းမြစ်များ

MATÉUS 10:29

Toé weli kaka cik pika suan ce rimis? Landing toé kéta can oné mai isé te pa’u oné linos, bepé’ang mai ngoéng de Emas.

MATÉUS 23:9

Agu méu néka kéta bénta ema, céing kaut oné lino ho’o, ai hanang ca kali emas, Hia hitut éta surga.

MATÉUS 26:29

Landing Aku taé agu méu: Pu’ung ho’o maig Aku toé inung kolé oné mai pu’u anggor ho’ok dengkir leso Aku inung ata werun, cama laing agu méu oné Adak de Ema Daku.”

MATÉUS 26:42

Itu kali ngo té sua ngkalin agu ngaji, mai taén: “Yo Ema Daku, émé toé ngancéng hésingn piala ho’o, aikn émé te inung kéta Lakuy, nia kaut ngoéng Dité.”

MATÉUS 5:16

Nenggitu kolé gerak de méu, néray olo mai ranga data, kudut itas lisé pandé di’a de méu agu bong ngasang Emam hitu éta Surga.”

MATÉUS 5:48

Landing hitu, méu paka besik kétam cama ného besik de Emas hitu éta Surga.”

MATÉUS 6:14

Ai émé ampongs le méu sala data, Emas hitu éta Surga te ampong kolé méuy.

MATÉUS 6:6

Maik émé ngajim, ngo oné lo’angm, tadu di’a para agu ngaji oné Emam ata ka’éng oné paté cehay. Wiga Emam ata itad situ oné paté ceha, agu téing lahén agu méu.

MATÉUS 7:11

Jari, émé méut da’at pecing téing apa ata di’an agu anakn, apan kolé Emas hitu éta Surga! Hia te téing ata di’an oné isét tegi agu Hia.”

LUKAS 15:18

Aku te to’o agu ngo oné emag, agu taé agu hia: Ema, aku poli pandé ndékok latang te Surga agu latang te ité,

LUKAS 15:21

Mai taé de anak koé hitu ngong hia: Ema, aku poli pandé ndékok latang te Surga agu latang te ité; aku toé patun kolé te caro anak diték.

LUKAS 2:14

“Bong kéta latang te Mori éta awang-ngkiang, agu hambor-meler oné lino latang te manusia situt henan agu Hia.”

YOHANÉS 20:17

Mai taé de Mori Yésus ngong hia: “Néka cau Aku, ai Aku toé di ngo éta hi Emag, maik ngo oné taung asé-ka’é Daku, agu tura oné isé te ho’on Aku te ngo éta Emag agu Ema de méu; éta Mori Keraéng Daku agu Mori Keraéng de méu.”

ROMA 1:7

Latang te sanggés méut ka’éng oné Roma, ata momang le Mori Keraéng, ata bénta agu ciri ata nggelukm: Tabing loréng méu agu hambor-meler oné mai Mori Keraéng, Ema dité agu oné mai Mori Yésus Kristus.

ROMA 8:15

Ai méu toé tiba nai te ciri mendim hitut pandé rantang méu laing, maik méu poli tiba Nai Nggeluk hitut ciri Anak de Mori Keraéng. Ali Nai Nggeluk hitu tara ngancéng caro lité, “Yo Abba, ngong Yo Ema!”

GALATIA 1:1

Aku hi Paulus ata ciri rasul, toé landing lut manusia ko toé kolé landing téti le cengata manusia, maik ata pilé li Yésus Kristus agu Mori Keraéng, Ema ata pandé to’o kolé Hia oné-mai ata matan.

GALATIA 4:6

Ai méu hitu anak, itu tara Mori Keraéng poli jera Nai de Anak Diha mai oné nai dité. Ngong Nai Nggeluk, ata caro, “Yo Abba, ngong Yo Ema!”

2 TIMOTÉUS 6:16

Hia kanang kali ata toé koday le mata, ka’éng oné gérak ata toé cung te ruisy. Toé manga cengatan ata poli ita Hia, agu toé muing manga manusia ata ngancéng ita Hia. Latang te Hia kali hiang agu kuasa tédéng lén! Amén.

1 PETRUS 1:17

Koném po caro Ema Hia le méu du ngaji, méu paka noing kin, te Hia toé manga lélo taran ata du leso beté-bicar. Landing hitu, hiang koé Mori Keraéng oné mosé dokong lino ho’o.

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

WIDANG SI’ANG ONÉ HI YOHANÉS 5:12

agu télés kéta déréd, “Anak Jimbal hitut poli mbelé patun te tiba kuasa, bora, nggalas, mberes, hiang, mengit, agu sanggéd naring!”