MATÉUS 6:5 - Bahasa Manggarai New Testament

⁵ “Agu émé ngaji méu, néka ného ngaji data pisik. Isé ngoéng étan ngajid cang agu heséd oné mbaru-mbaru ngaji agu oné salang mésé, kudut pala ita latas. Aku taé agu méu, moro matan, isé polig manga lahén.

MATÉUS 6:5 ပူးပေါင်းရင်းမြစ်များ

MATÉUS 21:22

Agu apa kaut ata tegi de méu oné ngaji, agu imbi tu’ung kéta, mangay kali tiban le méu.”

MATÉUS 23:13

Copél da’at méu, oé ata pecing Taurat agu méut Parisi, oé méut pisik, ai méu ata tadud parad Adak Surga olo mai ranga data. Ai weki rus méu toé ngo boném maik méus ata panggad isét kudut ngo bonés. [

MATÉUS 23:5

Sanggéd gori pandé disé, hanang kaut pala ita lata; isé paké wasé ngaji ata nggebak agu lolo cumbi léwé;

MATÉUS 23:6

isé ngoéng lonto pété osang ata di’an laing ramé, agu osang taki olon oné mbaru ngaji;

MATÉUS 6:1

“Nuk di’a, néka kéta pandés lut perénta de agamam oné ranga data, kudut pala ita lisé, ai émé nenggitu, méu toé delék lahén oné mai Emas hitut manga éta Surga.

MATÉUS 6:16

“Agu méu émé puasam, néka sango rangas, ného pandé data pisik. Isé caling tarad kudut pala ita lata te isé lari puasad. Aku taé agu méu: moro matan, isé polig tiba lahén.

MATÉUS 6:2

Jari, émé méu téing reco haé atas, néka gégang kéta le méu cama ného pandé data pisik oné mbaru-mbaru ngaji agu oné ciko-ciko kudut palang naring lata. Aku taé agu méu: Moro matan, isé polig tiba lahén.

MATÉUS 9:38

Landing hitu tegi agu Hiat ngara dani, kudut Hia katu dos ata duat latang te akod.”

MARKUS 11:25

Agu émé hesém te ngaji, olong ampongs di le méu, émé manga ata kodo le méu oné nais kudut le hitu kolé Emas hitut éta Surga, ampong taung sanggéd ndékoks.” [

MARKUS 12:38

Du rémé toingn, mai taéd Mori Yésus: “Jerék di’a-di’a agu ata pecing Taurat, siot lélak kétas laki-lako paké juba léwé agu lélak kétas tiba hiang data oné amba,

LUKAS 11:43

Calang da’at dé méu, oé ata Parisi, ai méu nanang te lonto osang taki olon kéta oné mbaru ngaji, agu ngoéng te hiangm oné amba.

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

LUKAS 18:13

Maik hiat tegi béa hitu hesé déu-déuy, ngot hia toé nga’on te conga nggere-éta awang, maik hia kali entap di’a berambangn, agu mai taén: Yo Mori, ba’éng koé aku ho’ot ndékok.

LUKAS 20:47

situt angge-rep kaut mbaru de iné-wai luangs, situt bapur mata data le ngaji léwé ndar. Isé situ toét-toé tiba wahéng ata mendo kétas.”

LUKAS 6:24

Maik calang méu, oé méut bora, ai oné boras, méu poli delék lémbu nais.

YOHANÉS 16:24

Dengkir te ho’on, méu toéd manga tegi can kolé le ngasang Daku. Tegi ga manga kali tiban le méu, kudut penong kais nais.

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

TÉSALONIKA 5:17

Kong ngajis méu.

JAMES 4:6

Maik widang hitut téing Diha, céwé mésé oné-mai nanang de nai dité hitu. Landing hitu taé kole le Surak Nggeluk: “Mori Keraéng pangga salang data siot mésé nai, maik momang ata siot jinggop.”