MATÉUS 5:47 - Bahasa Manggarai New Testament

⁴⁷ Agu émé méu téing tabé agu asé-ka’ém kaut, apay weli ata dio-dolokn agu pandé data bana? Toé weli ata toé pecing Mori kolé pandé nenggitus?

MATÉUS 5:47 ပူးပေါင်းရင်းမြစ်များ

MATÉUS 10:12

Émé ocok méu oné mbaru data, téing tabé le méu isé.

MATÉUS 5:20

Itup taé Daku agu méu: émé toé pandés le méu apa ata ngoéng de Morin céwé oné mai isét pecing Taurat agu sanggéd ata Parisi, moron tu’ung, méu toé ngancéng ocok nggeroné Surga.

MATÉUS 5:46

Émé méu momang ata siot momang méuy, apay di lahén latang te méu? Toé weli ata tegi béa kolé pandé nenggituy?

MATÉUS 5:48

Landing hitu, méu paka besik kétam cama ného besik de Emas hitu éta Surga.”

LUKAS 6:32

Agu émé méu momang ata situt momang méu, apay weli adak di’am ga? Ai sanggéd ata ndékok kolé momang kolé sanggéd ata situt momang isés.

KOLOSÉ 4:14

Tabé latang te méu oné-mai doktér Lukas ata momang agu oné-mai hi Démas.

KOLOSÉ 4:15

Tombo koé le méu tabé dami, latang te asé-ka’é ca imbi oné Laodikia agu latang hi Nimfa agu sanggéd ata serani oné mbaru diha.

1 PETRUS 2:20

Ngancéng weli naring laing ko, émé méu ta’ong hena le ongga, ai méu pandé ndékokm? Émé méu ta’ong susa landing le pandé di’a, méu te tiba widang oné-mai Mori Keraéng.