MATÉUS 5:22 - Bahasa Manggarai New Testament

²² Maik Aku taé agu méu: Céing kaut ata rabo agu asé-ka’én, paka wahéng: Céing ata taé bapa béngot! ngong asé-ka’én paka ba oné ranga de Adak Agamay, agu céing ata taé: kafir! Paka oké oné api nerakay ata ganggor kin dilan.

MATÉUS 5:22 ပူးပေါင်းရင်းမြစ်များ

MATÉUS 10:17

Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

MATÉUS 10:28

Agu néka rantang méu agu isét ngancéng ala weki, maik toé manga kuasad te ala wakars, rantang kéta kali Hiat manga kuasan te calang wakar agu weki oné api neraka.

MATÉUS 12:24

Landing woko dengé lata Parisi, mai taé disé: “Ai li Béélzébul tu’a de jing da’at, tara ngancéng mbérd Liha jing da’at.”

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

MATÉUS 18:21

Poli hitu mai hi Pétrus agu mai taén ngong Mori Yésus: “Mori, haéng pisa ngkalig aku te ampong asé-ka’ég émé hia pandé ndékok agu akuy? Haéng pitu ngkalin?”

MATÉUS 18:35

Nenggitu kolé pandé de Ema Daku éta Surga latang te méu, émé néténg méu toé ampong asé-ka’és mai wa mai naim.”

MATÉUS 23:15

Copél da’at méu, oé ata pecing Taurat agu ata Parisi, oé méut pisik ai méu limbang tacik agu labok tana masam, kudut pandé teser kaut hiat cengata te lut agama de méu, agu du poli tesern hia ga, méu pandé ciri ata nerakay, ata suang ngkali céwé da’at oné mai weki rus méu.

MATÉUS 23:33

Oé méut ular, oé méut waé de ular mbangi! Co’o méu kong mo’éngs, oné mai wahéng de api neraka?

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 26:59

Sanggéd imam kepala, ngaid sanggéd Adak Agama, kawé sakasi ata nggopét latang te Mori Yésus, kudut wahéng te matan

MATÉUS 3:17

mai nitu main dengég reweng éta mai Surga, nenggo’o taén: “Ho’o dé Anak ata cembes Daku, Hia kéta dé ata kopn Laku.”

MATÉUS 5:34

Maik Aku taé agu méu: Néka kaut manga ngasang wada, koném le ngasang de awang, ai awang hitu kedéra de Mori Keraéng.

MATÉUS 5:44

Maik Aku taé agu méu: Momang koé haé balim agu ngaji latang te isé ata pandé kélo méu.

MARKUS 14:55

Sanggéd imam kepala agu sanggéd adak de agama kawé ata sakasi te dungkang Mori Yésus, kudut Hia ngancéng alay, maik toé laong dumpun lisé.

MARKUS 15:1

Du gula ucap muing sanggéd imam kepala agu taung ata tu’ad agu isét pecing Taurat agu sanggéd Adak Agama poli bantang camad, nai ca anggit, tuka ca léléng. Isé wasé Mori Yésus agu todang Hia agu condo Hia oné ranga di Pilatus.

LUKAS 12:5

Aku te toi oné méu, céing hitut paka rantangy le méu. Rantang koé Hia, hitut du poli mbelé, manga kuasan te wéwéng ata nggere-wa neraka. Moro matan, Aku taé agu méu: Rantang koé Hiam!

LUKAS 22:66

Agu du gérak tana ga, neki wekid taung ata tu’ad ata Yahudi, imam kepala, agu ata pecing Taurat, poli hitu isé todang Hia oné ranga de adak Agama disé,

YOHANÉS 11:47

Itug kali isét imam kepala agu ata Parisi bénta Adak Agama kudut neki weki, mai taéd: “Co’o kali pandé dité ga? Ai ata hitu do pandé tanda lengetn.

YOHANÉS 15:25

Maik reweng situt poli tulis oné buku Taurat disé, paka rapaks: Isé kodo Akus toé kéta manga campitn.

YOHANÉS 7:20

Mai wantil data do situ: “Hau hena le koro de jing da’at; céingy ata kudut te ala Hau?”

YOHANÉS 8:48

Sanggéd tu’a data Yahudi koléng Mori Yésus: “Toé weli tu’ung taé dami te Hau ata Samariah agu hena le jing da’ath?”

TOMBO PÉTÉ GORI DE RASUL-RASUL 17:18

Nggitu kolé agu ata nggepuk oné mai diding Épikuros agu Stoa, léwang tau agu hia agu manga ata taé: “Apa ata kudut tombo dihat joak ho’o?” Mai kolé taé data iwod: “Hia ho’o aram ba keréba déwa-déwa bana.” Ai hi Paulus ba Keréba Di’a tombo Mori Yésus agu mosé kolén oné mai ata mata.

TOMBO PÉTÉ GORI DE RASUL-RASUL 22:30

Maik kepala tentera hitu nanang te pecing tu’ung apa kéta betuan toso data Yahudi situ agu hi Paulus. Landing hitu ného diangn hia jera dadé hi Paulus oné mai buin agu perénta kudut imam-imam kepala agu sanggéd Adak Agama nempungs. Itu kali dadé hi Paulus oné mai mbaru de tentera kudut cumang agu isé.

TOMBO PÉTÉ GORI DE RASUL-RASUL 23:1

Canggu agu lélo sanggéd Adak Agama mai taé di Paulus: “Asé-ka’én, haéng leso ho’o mosé kig aku, ali nai nggalas oné ranga de Mori Keraéng.”

TOMBO PÉTÉ GORI DE RASUL-RASUL 24:20

Landing kong damang isét manga rangad cé’é ho’o, tombo pandé da’at apa ata ita lisé, du aku ba oné ranga de Adak Agama.

TOMBO PÉTÉ GORI DE RASUL-RASUL 4:15

Du poli jera koléd lisé sanggéd rasul situ, bantang kolés isé,

TOMBO PÉTÉ GORI DE RASUL-RASUL 5:21

Du poli dengé pedé hitu, du gérak tana, ngos isé oné Mbaru de Mori Keraéng, itus kali toing atad nitu. Du hitu kolé Imam Mésé agu sanggéd ata lutn jera nempung taungs sanggéd Adak Agama, sanggéd ata tu’an wa’u Israél, agu jera lisé, dadés rasul-rasul situ oné mai buid.

TOMBO PÉTÉ GORI DE RASUL-RASUL 5:27

Isé dadé sanggéd rasul situ bolo mai ranga de Adak Agama. Itug kali Imam Mésé wangkag réi isén,

TOMBO PÉTÉ GORI DE RASUL-RASUL 6:12

Ali hitu isé sosok ata dos agu tu’a-tu’a agu ata pecing Taurat, isé deko hi Stéfanus, sorok hia agu dadé hia oné ranga de Adak Agama.

TOMBO PÉTÉ GORI DE RASUL-RASUL 6:15

Sanggéd ata situt lonto oné sidang Adak Agama hitu, lélo hi Stéfanus itu kali ita lisé ranga di Stéfanus cama ného ranga de cengata malékat.

TOMBO PÉTÉ GORI DE RASUL-RASUL 7:37

Hi Musa ho’o kolé ata taé agu isét Israél: Cengata nabi ného aku ho’o te pandé mosé koléy le Mori Keraéng latang te méu oné mai asé-ka’és.

ROMA 12:10

Poro méu kali momang agu hiang taus cama ného asé-ka’é.

1 KORINTUS 6:10

ata tako, ata gopa, ata langu, loér ata, agu ata nggopét, toé kéta manga osangd oné adak de Mori Keraéng.

1 KORINTUS 6:6

Asa weli ga, asé-ka’é hitut ca imbi ngancéng mboték oné asé-ka’é bana, agu nonong kéta oné ata siot toé imbis?

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

TITUS 3:2

Néka manga pocu ata, léwang tau, maik nahé isé kali poro joél, agu lumu oné sanggén ata.

IBRANI 12:25

Jerék koém, méu paka tiba agu séngét Hia hitut ban curup hitu. Isét ogo te séngét Hiat mai oné lino ho’o ata ba keréba de Mori Keraéng, toé ngancéng célad oné-mai wahéng. Apan kolé ité te ho’on, émé ité hedong oné-mai Hia hitut curup éta-mai Surgan.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

JAMES 2:20

Oé ata bapa-béngot! Ngoéngm hau te tura ho’o ga, te imbi hitut toé loréng agu pandé cama kaut imbi bon?

JAMES 3:6

Lema hitu cama ného apiy. Hia dé pu’un da’at te wécak da’at situ oné sanggéd taung weki dité. Le api wa-mai neraka hia pandé muntung taung sanggéd weki dité.

1 PETRUS 2:23

Du Hia tida wincar-winaky lata, Hia toé gorin te léko. Du ta’ong susaN, Hia toé manga ngetek atan, maik condo wekiN oné Mori Keraéng hitut agil beté-bicarN.

1 PETRUS 3:9

Néka léko pandé da’at ali pandé da’at, ko tida ali tida. Maik, poro léko le tegi berkak de Mori Keraéng, ai latang te hitu muing méu tara pilés, te tiba berkak oné-mai Hia. Ai manga tulis oné surak nggeluk:

1 YOHANÉS 2:9

Céing ata taé te hia ka’éng oné géraky, maik kodo asé-ka’é ca imbin, hia hitu ka’éng kin oné nendep dengkir te ho’on.

1 YOHANÉS 3:10

Ho’os tarad sanggéd anak de Mori Keraéng ko anak de jing da’at: ata siot pandé molor, loas oné-mai Mori Keraéngd. Maik, céing kaut ata toé momang asé-ka’é ca imbin, hia anak de jing da’aty.

1 YOHANÉS 5:16

Émé méu ita asé-ka’é ca imbi pandé ndékok ata toé ampus laing, céwé di’an ngaji méu kamping Mori Keraéng. Mori Keraéng te téing mosé latangt hia hitu. Manga ndékok atat ampus laing: Latang te atat pandé ndékok nenggitu, toé taé laku te méu paka ngajim.

YUDAS 1:9

Ngot hi Mikhaél tu’a de sanggéd malékat, du léwang tau agu jing da’at latang te rapu di Musa, toé cukung te wahéng jing da’at hitu ali curup loér, maik nggo’o kaut taé, “Nahé Mori Keraéng renti hauy!”

WIDANG SI’ANG ONÉ HI YOHANÉS 20:14

Poli hitu, Mata agu Adak de mata hitu peké nggere-oné api méséy. Hituy dé mata te suan: Api mésé, ngong api neraka.