MATÉUS 5:16 - Bahasa Manggarai New Testament

¹⁶ Nenggitu kolé gerak de méu, néray olo mai ranga data, kudut itas lisé pandé di’a de méu agu bong ngasang Emam hitu éta Surga.”

MATÉUS 5:16 ပူးပေါင်းရင်းမြစ်များ

MATÉUS 23:5

Sanggéd gori pandé disé, hanang kaut pala ita lata; isé paké wasé ngaji ata nggebak agu lolo cumbi léwé;

MATÉUS 23:9

Agu méu néka kéta bénta ema, céing kaut oné lino ho’o, ai hanang ca kali emas, Hia hitut éta surga.

MATÉUS 5:45

Ai le hitu méu ciri anak de Emas éta Surga, ata pandé par leso latang te ata da’at agu ata di’a agu concang usang latang te ata molor agu ata toé molor.

MATÉUS 6:16

“Agu méu émé puasam, néka sango rangas, ného pandé data pisik. Isé caling tarad kudut pala ita lata te isé lari puasad. Aku taé agu méu: moro matan, isé polig tiba lahén.

MATÉUS 6:9

Itu tara ngaji nenggo’o: Ema dami éta Surga, Nggeluk koé ngasang Dité,

MATÉUS 9:8

Wiga ata do situt ita pandé hitu, rantangs, itu kali naring Mori Keraéngd ata poli téing kuasa nenggitu oné manusia.

LUKAS 11:2

Mai walé de Mori Yésus agu isé: “Émé ngaji méu, nenggo’o kaut: Ema, nggeluk kali ngasang Dité, Cai koéy Perénta Dité.

YOHANÉS 15:8

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

TOMBO PÉTÉ GORI DE RASUL-RASUL 9:36

Oné béndar Yopé manga cengata ata nungku iné-wai, ngasangn hi Tabita – oné curup Yunanin hi Dorkas. Iné-wai hitu do kéta pandé di’an, agu téi reco.

1 KORINTUS 14:25

Sanggéd taung pété ceha situt manga oné nain te ciri si’angs, wiga hia te suju agu io Mori Keraéngy, agu imbi: “Tu’ung kéta Mori Keraéng manga oné bahi-réha méu’y.”

2 KORINTUS 9:13

Ai méu poli ta’ong damang oné gori keturu hitu, isé bong ngasang de Mori Keraéng ali ita junggu de méu oné imbi Keréba Di’a di Kristus. Isé kolé bong ngasang de Mori Keraéng ali gawas de méu le pati sanggéd cao-ca oné isé agu sanggéd ata.

GALATIA 1:24

Itu kali isé bong ngasang de Mori Keraéng landing aku.

ÉFÉSUS 2:10

Ité ho’o ata dédék de Mori Keraéng ai nai ca anggit hi Kristus Yésus kudut pandé sanggéd gori di’a, ata bolon polig ambin le Mori Keraéng. Ngoéng Diha kudut ité selamak moséd.

ÉFÉSUS 5:8

Bo tu’ung danong méu ka’éng oné nendepm, maik te ho’on méu ka’éng oné gérak de Mori Keraéng. Ali hitu, méu paka mosé ného anak de gérakm,

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

2 TIMOTÉUS 2:10

Maik ata céwé naun, sanggéd iné-wai sélék wekid le pandé di’a, ného co’o kaut ata patun latang te iné-wai du ngaji.

2 TIMOTÉUS 5:10

Tandan, baé lata te hia iné-wai ata gauk di’ay, ného: aréng anak, dumpek oné mbarun, waca wa’i de asé-ka’é ca imbi, campé ata siot mosé oné susa – wokokn ga, iné-wai luang siot poli papé sanggéd sokor latang te pandé di’a.

2 TIMOTÉUS 5:25

Nenggitu kolé pandé di’a hitu, lampuk si’angn. Agu émé pandé situt toé emongd te lélo, pandé situ toé ngancéng ruda cehad.

2 TIMOTÉUS 6:18

Langga kid oné isé situ te do-do pandé di’a, kudut ngoéng te téing agu te pati.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

TITUS 2:7

Latang te hau Titus, hau paka ciri ata toming laing oné sanggéd pandé ata di’ad. Poro hau kali paka molor nai agu tu’ung-tu’ung oné toingm,

TITUS 3:14

Sanggéd weki serani dité oné nuca Keréta, paka laséng koét pandé gori ata di’ad, kudut ngancéng haéng sékék lété bari agu sékék latang te ata bana. Pandé nenggo’o, kudut manga betuan mosé disé.

TITUS 3:4

Maik Mori Keraéng, Mori Sambé dité poli toto momangN agu nai di’aN latang te ité.

IBRANI 10:24

Mait ga ité, kéngko taud te rani-nai agu racang rak oné momang ali pandé ata di’ad.

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 PETRUS 3:1

Oé sanggés méut ngasang wina! Junggu koém agu ronas, kudut émé manga ronas ata toé lorong reweng de Mori Keraéng, ngancéng imbis le di’a ba weki de méut ngasang wina.

1 PETRUS 3:16

agu ali bakok nai. Ali hitu, isét loér méu landing le di’a ba wekis lut hi Kristus, ciri ritaks weki rud.

1 PETRUS 4:11

Céing ata ba keréba, paka ba keréba de Mori Keraéng; céing ata keturu laing, paka keturu lorong mberes hitut widang de Mori Keraéng, kudut oné sanggén cao-ca bongy Mori Keraéng landing hi Yésus Kristus. Latang te Hia dé bong agu kuasa tédéng lén! Amén.

1 PETRUS 4:14

Mosé di’a méu, émé méu lengga latam landing ngasang di Kristus, ai mengit de Nai Nggeluk manga oné méuy.