MATÉUS 5:12 - Bahasa Manggarai New Testament

¹² Naka agu nisang ga, ai mésén lahém éta Surga, ai nenggitu kolés poli lucad sanggéd nabi bebolon mai méu.”

MATÉUS 5:12 ပူးပေါင်းရင်းမြစ်များ

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 6:16

“Agu méu émé puasam, néka sango rangas, ného pandé data pisik. Isé caling tarad kudut pala ita lata te isé lari puasad. Aku taé agu méu: moro matan, isé polig tiba lahén.

LUKAS 13:34

Yérusalém, Yérusalém, le hau pakid sanggéd taung nabi, agu rampas le watus sanggéd ata situt wuat oné hau! Pisa-pisa ngkalig, Aku kembung te hilirs anakm, cama ného iné manuk igol anakn be wa mai lebén, maik méu toé goris.

LUKAS 6:23

Nakah ga du hitu, agu nisang naim, ai moro-matan kéta, lahém mésén éta Surga; ai ného nggitu kolés rukud empo disé pandé lisé sanggéd nabi.

LUKAS 6:35

Maik méu, momang koé balim, agu pandé sara di’a agu isé, agu téing célong ata toé manga bengkes laing te lékod, lahém ga te mésé kéta, agu méu te ciri anak de Mori Keraéngm hitut Éta kétay; ai Hia di’a agu ata situt toé pecing te wali di’a agu isét ata da’at.

TOMBO PÉTÉ GORI DE RASUL-RASUL 16:25

Maik du seréhang tana, hi Paulus agu hi Silas ngaji agu déré naring Mori Keraéng agu ata bui do nitu séngét isé.

TOMBO PÉTÉ GORI DE RASUL-RASUL 5:41

Rasul-rasul situ pé’ang oné mai sidang de Adak Agama ali nisang naid, ai isé poli naun te ta’ong susa landing le ngasang de Mori Yésus.

ROMA 5:3

Toé hanang hitu kanang. Ité kolé ngot go’as oné singsara dité, ai pecing lité te singsara hitu pandé alus nai,

1 KORINTUS 3:8

Ata weri ko ata worang cama mtaungs; agu néténg weki te tiba lahén lorong agu gori de weki-run.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

PILIPI 1:29

Ai Mori Keraéng poli widangn oné méu, toé hanang latang te imbi oné hi Kristus, maik latang te cukung susa kolé latang te Hia.

PILIPI 2:17

Maik koném po bowoy dara daku du takung agu du ngaji lorong imbi de méu, aku nisang kéta nai cama laing agu méu.

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

KOLOSÉ 3:24

Pecing le méu, te oné-mai Morin méu kudut tiba mbaté ata ciri lahé de méu. Hi Kristus hitu sengajiy, agu méu ciri mendi Diham.

TÉSALONIKA 2:15

Ngot ata Yahudi situ poli mbelé Mori Yésus agu sanggéd nabi agu poli wahéng amid. Apa ata henan oné Mori Keraéng toé manga pingan lisé, agu sanggén ata kodo taungs lisé.

IBRANI 10:34

Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.

IBRANI 11:26

Rékéng li Musa, céwé di’a mericuy landing hi Mesias, ngong raja ata reké le Mori Keraéng, po tiba bora mésé oné-mai tana Mesir. Hi Musa bengkes lahén du leso tai.

IBRANI 11:33

Ali imbid, isé poli pandé koda sanggéd raja. Isé toto molor, wiga tiba apa situt poli reké de Mori Keraéng. Ali imbid: isé ngancéng tadu mu’u de sanggéd Singa,

IBRANI 11:6

Maik émé toé manga imbi, toé manga ata kopn oné Mori Keraéng. Ai céing ata holés nggere-oné Mori Keraéng, ata hitu paka imbi te Mori Keraéng hitu mangay. Hia kolé paka imbi te Mori Keraéng téing lahé oné ata situt tu’ung-tu’ung kawé Hias.

JAMES 1:2

Asé-ka’é daku, émé méu pa’u oné do tarad damang, rékéng le méu ného mosé di’a.

JAMES 5:10

Asé-ka’én, lorong agu tunti koé ta’ong susa de sanggéd nabi ata poli ba keréba le ngasang de Morin.

1 PETRUS 4:13

Ngot cembes kali nais, ai méu lut ta’ong susa ného hi Kristus, wiga méu tai ngancéng naka agu nisang nais du si’angn mengit Diha.