MATÉUS 5:10 - Bahasa Manggarai New Testament

¹⁰ Mosé di’a kétas ata luca lata landing le molorn, ai diséy morin Adak Surga.

MATÉUS 5:10 ပူးပေါင်းရင်းမြစ်များ

MATÉUS 10:23

Émé pandé kélo-balé lata méu oné ca béo, losi méu oné béo bana, ai curup tu’ung Daku agu méu: Du toéd laboks le méu lakod béndar data Israél, polig main Anak Manusia.

MATÉUS 19:14

Maik mai taé de Mori Yésus: “Ondangs anak koé situ, néka cakas te mai nggere-cé’é Aku; ai ata ného isé situ dé morin Adak Surga.”

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

MATÉUS 5:3

“Mosé di’a kéta ata lénggé oné ranga de Mori Keraéng, ai disé morin Adak Surga.

MARKUS 10:14

Du ita hitu le Mori Yésus, rabo kolé Hia agu mai taén agu isé: “Ondangs anak koé situ mai cé’é Akud, néka cakas isé, ai ata cama ného anak koé so’o kali paéngn Adak de Mori Keraéng.

MARKUS 10:30

ata hitu ho’o muing ga, te tiba kolé ceratus ngkali alép dod: mbaru, asé-ka’é, weta, endé, anak koé agu uma, koném lari nggitun lut kin ali rik lata, agu latang te nggere-olon tai hia te tiba mosé tédéng lén.

LUKAS 21:12

Maik be bolon taung situ, méu te deko agu kélo-balém; méu te todang oné sanggéd taung mbaru ngajim, agu mbaru bui; agu méu te buang oné sanggéd raja agu isét manga kuasad, landing ngasang Daku.

LUKAS 22:29

Agu Aku ata tabing hak Adak latang te méu, cama ného Ema Daku tabing latang te Aku.

LUKAS 6:20

Itu kali Mori Yésus lélo taung ata nungkun, agu mai taén: “Mosé di’am, oé méut lénggé, ai de méu morin Adak de Mori Keraéng.

LUKAS 6:22

Mosé di’am méu, émé landing le Anak Manusia, manga ata jogot méu, agu émé isé keti méu, agu mbécik méu, agu kémpa ngasangm, mana ca apa ata da’aty.

YOHANÉS 15:20

Nuk dé apa hiot poli taé Laku agu méu: Cengata mendi toé kéta céwé teke éta oné mai morin. Émé isé poli pandé da’at Akud, isé kolé te pandé da’at méu; émé isé poli lut reweng Dakud, isé kolé te lut taé de méus.

TOMBO PÉTÉ GORI DE RASUL-RASUL 5:40

Isé bénta rasul-rasul situ, itus kali lucad lisé agu ré’ing isé néka toing le ngasang de Mori Yésus. Poli hitu legos lisé.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

PILIPI 1:28

Néka kéta manga rantang agu ata balis. Rani nai situ de méu te ciri tanda ampus latang te ata bali, maik ciri tanda selamak latang te méu, ai rani nai hitu mai oné-mai Mori Keraéngn.

2 TIMOTIUS 2:12

émé ité seberd, ité kolé te perénta cama-cama agu Hiat; émé ité pali Hiat, Hia kolé te pali itéy;

2 TIMOTIUS 3:11

Hau poli lorong susa agu wahéng cama ného hitut ta’ong daku oné Antiokhia agu oné Ikonium agu oné Listra. Sanggéd taung wahéng situ tibas laku. Maik Mori poli pandé selamak aku oné-mai sanggéd situ.

JAMES 1:12

Mosé di’a isét ta’ong oné damang. Ai émé hia meku kéta nain, hia te tiba lahén, ngong mosé hitut poli reké de Mori Keraéng oné sanggéd ata situt momang Hia.

JAMES 5:11

Ité caro isé ata mosé di’a, ai isé poli ta’ong susa. Méu poli dengé latang te gepek di Ayub agu poli baén le méu apa ata ambi de Mori du cemol latang te hia. Mori hitu pu’un momang agu penong lembak nai.

1 YOHANÉS 3:12

Néka ného hi Kain hitut kuasa le jing da’at te mbelé hi Abel asén run. Co’o tara mbelén liha? Ai da’atd sanggéd pandé diha agu molord pandé de asén hitu.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.