MATÉUS 4:3 - Bahasa Manggarai New Testament

³ Itug kali main jing da’at hitut damang Hia, mai taén ngong Hia: “Émé Anak de Mori Keraéng Hau, jeras dé le Hau watu-watu so’o te ciri roti.”

MATÉUS 4:3 ပူးပေါင်းရင်းမြစ်များ

MATÉUS 14:33

Agu sanggéd isét oné wangka suju Hias, mai taéd: “Tu’ung-tu’ung kéta Ité Anak de Mori Keraéngt.”

MATÉUS 16:16

Mai walé di Simon Pétrus: “Ité hi Mésias, Anak de Mori Keraéng ata mosé!”

MATÉUS 26:63

Landing Mori Yésus hema kéta kin. Maig taé de Imam Mésé hitu agu Hia: “Lé ngasang de Mori Keraéng, taé agu ami, co’o Hau, hi Mésias Anak de Mori Keraéng, ko toéh?”

MATÉUS 3:17

mai nitu main dengég reweng éta mai Surga, nenggo’o taén: “Ho’o dé Anak ata cembes Daku, Hia kéta dé ata kopn Laku.”

MARKUS 1:1

Ho’o dé kréba di’a laring cain te tombo Mori Yésus Kristus Anak de Mori Keraéng.

MARKUS 3:11

Woko isét hena le jing da’at ita Hias, isé cembar taungs wa ranga Diha agu ciékd: “Ata ho’o tu’ung-tu’ung Anak de Mori Keraéngy!”

MARKUS 5:7

agu reweng mésén hia kepokn: “Kudut co’og aku Lité Mori Yésus, anak de Mori Keraéng? Moro matan Mori, néka wahéng aku!”

LUKAS 1:35

Wantil de malékat hitu agu hia: “Nai Nggeluk wa’u oné itéy, agu kuasa de Mori Keraéng ata langkas kéta te sémbéng itéy; ali hitu, anak hitut kudut loas lité Anak nggeluk de Mori Keraéng.

LUKAS 22:70

Mai taung taé disé: “Émé nggitu, Hau ho’o Anak de Mori Keraéngh?” Mai walé de Mori Yésus: “Taé le rus méu, te Aku dé Anak de Mori Keraéng.”

LUKAS 4:3

Itu kali mai taé de jing da’at ngong Hia: “Émé Anak de Mori Keraéng Hau, jera dé watu so’o ciri rotis.”

LUKAS 4:41

Oné mai isét do situ, pé’ang kolés jing da’at cang agu ciékd: “Ité Anak de Mori Keraéng.” Itu kali ré’ing kéta isé Liha néka curups, ai baé lisé, Hia hi Mesias.

LUKAS 4:9

Poli hitu, hia dadé Mori Yésus nggere-oné Yérusalém, agu peher Hia éta bubung Mbaru de Mori Keraéng, mai taén ngong Hia: “Émé Anak de Mori Keraéng Hau, woncekh dé nggere wah,

YOHANÉS 1:34

Polig itan laku Hia, ho’og laku téing sakasin: Hia ho’o tu’ung Anak de Mori Keraéng.”

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

YOHANÉS 9:35

Dengé le Mori Yésus, te hia poli wur nggere-pé’angn lisé. Poli hitu Mori Yésus cumang agu hiay, mai taén: “Imbi le hau Anak Manusia?”

TOMBO PÉTÉ GORI DE RASUL-RASUL 9:20

Du hitu hia ba keréba di’a latang te Mori Yésus oné mbaru-mbaru ngaji agu tombo te Mori Yésus hitu Anak de Mori Keraéng.

2 KORINTUS 1:19

Landing hi Yésus Kristus, Anak de Mori Keraéng hitut poli keréban lami oné bahi-réha méu, le weki-rug aku agu hi Silwanus, agu hi Timotéus, toé rodo “éng” ko “toé” kaut, maik walé “éng” kali ata mangan oné Hia.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.

IBRANI 12:16

Néka manga ata siot pandé nelung ko manga belek da’at, ného hi Esau hiot pika hak ngason latang kaut ca piring hang.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 7:3

Hi Mélkisédék hitu toé manga endé-eman agu toé manga turuk empon. Leso diha toé manga pu’ungn agu mosé diha toé manga cemoln. Ai hia cama ného Anak de Mori Keraéngy, wiga ciri imam kin tédéng lén.

1 YOHANÉS 3:8

Céing ata pandé ndékok kin, ata hitu mai oné-mai jing da’atn, ai pu’ung du wangkan muing jing da’at ruda olo kétay pandé ndékokn. Latang te hitu dé tara cain Anak de Mori Keraéng, kudut pandé ampus taungs sanggéd gori de jing da’at.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.