MATÉUS 4:25 - Bahasa Manggarai New Testament

²⁵ Londang taungs ata te lut Hia. Isé mai oné mai Galiléa, Dékapolis, Yérusalém, agu oné mai Yudéa agu besina mai Yordan.

MATÉUS 4:25 ပူးပေါင်းရင်းမြစ်များ

MATÉUS 19:2

Ata do lako londang lut Hias agu Hia kolé pandé ina iséy nitu.

MATÉUS 4:15

“Tana Zébulon agu tana Naftali, salang nggeroné tacik, tana besina mai waé Yordan, Galiléa, tana de uku-uku bana,

MATÉUS 5:1

Woko itas ata do situ le Mori Yésus, itu kali ngon Hia nggeréta golo, lonto wa kaut Hia, caisg ata nungkun.

MATÉUS 8:1

Du poli kolén Mori Yésus éta mai golon, dod ata lako londang, lut Hia.

MARKUS 5:20

Ata hitu koléy agu pu’ung wéro-émbongd liha oné temu tana Dékapolis sanggéd cao-ca ata poli pandé de Mori Yésus oné wekin agu sanggéd isé lenget kéta taungs.

MARKUS 6:2

Du leso Sabat, Hia pu’ung toing oné mbaru ngaji agu lawa do nitu lenget taungs du dengé toing Diha agu mai taéd: “Nia maid kéta Diha sanggéd apa situ? Nggalas apa kéta kolé situt téing oné Hias? Agu sanggéd tanda lenget situ, co’os Liha pandéd?

MARKUS 7:31

Poli hitu Mori Yésus legong kolé tana Tirus agu lako palé Sidon ngo nggere-oné sano Galiléa, oné bahi-réha tana Dékapolis.

LUKAS 6:17

Itug kali Hia wa’u éta mai golon agu sanggéd rasul, asi oné ca osang paté béas; nitu lipurs do ata nungku Diha agu lawa bana, situt mai oné mai temu tana Yudéa, agu oné mai Yérusalém, agu sili mai biring béndar Tirus agu Sidon.

LUKAS 6:19

Agu sanggéd taung ata do situ, tili-woér kétas te asur Hia, ai manga kuasa ata pé’ang oné mai Hian, agu sanggéd ata situ pandé inas Liha.