MATÉUS 4:23 - Bahasa Manggarai New Testament

²³ Mori Yésus lako léok Galiléa; oné mbaru-mbaru ngaji, nitus Liha toing agu ba kréba di’a de Adak Surga, pandé moras sanggéd beti agu ata lema-léngkus ba wekid oné uku situ.

MATÉUS 4:23 ပူးပေါင်းရင်းမြစ်များ

MATÉUS 11:5

Ata buta ngancéng lélo, ata péko ngancéng lako, ata boké ciri helis wekin, ata nenteng ciri nilor, ata mata mosé kolé, agu oné isét lénggé ba keréba di’a.

MATÉUS 12:9

Du kolé nitu main, Mori Yésus ngo oné mbaru ngaji diséy.

MATÉUS 13:19

Oné néténg ata hitut dengé curup latang te Adak Surga, maik toé pecing betuan, maig jing da’at te rambut apa hitut weri oné nai data hitu. Hitus wini siot wécak oné lupi salangs.

MATÉUS 13:54

Du cain oné béndar de Run, Mori Yésus toing ata situ oné mbaru ngaji rud. Og lenget kéta taungs agu mai taéd: “Mai nia maid Liha dumpun nggalas ho’o agu kuasa te pandé tanda lenget situ?

MATÉUS 14:14

Du wa’un Mori Yésus, itas Liha ata do situ monggur-kouk, itug kali pa’u nain le momang iséy agu Hia pandé inas isét beti.

MATÉUS 24:14

Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

MATÉUS 3:2

“Tesérm ga, ai adak Surga ruis gi!”

MATÉUS 9:35

Nenggitu dé Mori Yésus lako temu béndar agu béon, Hia toing oné mbaru-mbaru ngaji agu keréba Injil Adak Surga agu pandé morad sanggéd beti agu lendé.

MARKUS 1:14

Du poli dekon hi Yohanés, itug kali main Mori Yésus nggere-oné Galiléa te toing Keréba Di’a de Mori Keraéng,

MARKUS 1:21

Mori Yésus agu ata nungkun cai oné Kapernaums. Du pu’ungn leso Sabat, Mori Yésus lampuk oné mbaru ngajin agu toing atay.

MARKUS 1:39

Itug kali ngon Hia oné temu tana Galiléa agu tombo Keréba Di’a oné sanggéd mbaru ngaji disé agu mbér taungs sanggéd jing da’at.

MARKUS 3:10

Ai Hia pandé ina ata do, wiga sanggéd isét beti dedek-dedek taud nggere-oné Hia kudut cabi Hias.

MARKUS 6:2

Du leso Sabat, Hia pu’ung toing oné mbaru ngaji agu lawa do nitu lenget taungs du dengé toing Diha agu mai taéd: “Nia maid kéta Diha sanggéd apa situ? Nggalas apa kéta kolé situt téing oné Hias? Agu sanggéd tanda lenget situ, co’os Liha pandéd?

LUKAS 10:9

agu pandé ina isét beti ata manga nitu, agu taé ngong isé: Adak de Mori Keraéng ruis gi agu méu.

LUKAS 13:10

Manga cengkalin Mori Yésus ngai toingn oné ca mbaru ngaji du leso Sabat.

LUKAS 16:16

Adak Taurat agu buku de sanggéd nabi, pepés dengkir uwa di Yohanés; agu pu’ung du hitu main, Adak de Mori Keraéng kerébay agu néténg ata, duduk-duduk tau rumbu ngo bonén.

LUKAS 20:1

Manga ca leso du Mori Yésus toing ata do oné Mbaru de Mori Keraéng agu wéro Keréba Di'a, mais Imam Kepala, ata pecing Taurat agu tu’a béo nitu,

LUKAS 4:14

Le kuasa de Nai Nggeluk, koléy Mori Yésus nggere oné Galiléa. Agu émbo-wéron latang te Hia oné temu tana hitu.

LUKAS 5:17

Manga ca leso, rémé toing atan Mori Yésus, manga pisa taus ata Parisi, agu ata pecing Taurat, lonto séngét toing Dihas. Isét do situ mai oné mai sanggéd béo tana Galiléa, Yudéa, agu oné mai Yérusalémd. Kuasa de Mori Keraéng loréng Hiay, wiga Hia ngancéng pandé ina ata betin.

LUKAS 6:17

Itug kali Hia wa’u éta mai golon agu sanggéd rasul, asi oné ca osang paté béas; nitu lipurs do ata nungku Diha agu lawa bana, situt mai oné mai temu tana Yudéa, agu oné mai Yérusalém, agu sili mai biring béndar Tirus agu Sidon.

LUKAS 6:6

Manga kole du ca leso Sabat, Mori Yésus ngo oné mbaru ngaji, agu toing ata. Nitu manga cengata ata mata limé wanangn.

LUKAS 7:21

Du hitu Mori Yésus pandé ina do ata hena le beti, le kélo agu le jing da’at; Hia kolé widang ita latang te sanggéd ata buta.

LUKAS 7:22

Agu Mori Yésus walé isé: “Kolém ga, agu tura oné hi Yohanés, sanggéd situt ita agu dengé le méu: Ata buta ita atas, ata péko lakos, ata boké ciri helis kolé wekid, ata nenteng ciri nilors, ata mata mosé kolés, agu oné isét lénggé tombo keréba di’a.

LUKAS 8:1

Toé béhéng poli hitu, Mori Yésus lako léok ngo bendar ca agu ngo béo ca, wéro keréba di’a Perénta de Mori Keraéng. Rasul situt campulu sua lako cama agu Hias,

LUKAS 9:11

Maik pecings lata do, itu kali lut Hiad. Hia tiba isé, agu tombo taung oné isé latang te Adak de Mori Keraéng; Hia pandé ina kolé isé situt nanang te inas.

LUKAS 9:60

Maik taé de Mori Yésus ngong hia: “Kongd isét mata boak cama matad; maik hau kali, ngo ga agu tombo Adak de Mori Keraéng nia-nia kaut.”

YOHANÉS 18:20

Mai walé de Mori Yésus agu hia: “Aku tombo tulak agu lino ho’o: Aku toing mtaung oné sanggéd mbaru ngaji agu oné Mbaru de Mori Keraéng, osang baté impungd ata Yahudi; toé dé’it manga cehad curup Daku.

YOHANÉS 6:59

Sanggéd so’o, tombos le Mori Yésus oné Kapérnaum du toing oné Mbaru ngaji'N.

YOHANÉS 7:1

Poli hitu Mori Yésus lako léok Galiléa, ai Hia toé gorin te ka’éng kaut oné Yudéa, ai nitu manga ata Yahudi nanang te ala Hias.

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

TOMBO PÉTÉ GORI DE RASUL-RASUL 18:4

Néténg-néténg leso Sabat hi Paulus toing ata oné mbaru ngaji agu gejur pandé imbi sanggéd ata Yahudi agu ata Yunani.

TOMBO PÉTÉ GORI DE RASUL-RASUL 20:25

Te ho’on baé laku ga, te méu toé ngancéng ita ranga dakus kolé, sanggés taung méut ata poli la’at laku kudut ba keréba perénta de Mori Keraéng.

TOMBO PÉTÉ GORI DE RASUL-RASUL 28:31

Si’ang kéta liha agu toé manga do’ong hia keréba Adak de Mori Keraéng agu toing latang te Mori Yésus Kristus.

ROMA 10:15

Agu co’o ata ngancéng keréba Hia, émé toé manga ata wuatn? Ného manga ata poli tulis, “Cembes kéta nai ali mai disét ba keréba di’a!”