MATÉUS 3:9 - Bahasa Manggarai New Testament

⁹ Agu néka bet le méu te ngancéng taé oné nais: hi Abraham dé empo dami. Landing aku taé agu méu: Mori Keraéng ngancéng dédék te ciri anaks latang te Abraham oné mai watu-watu so’o!

MATÉUS 3:9 ပူးပေါင်းရင်းမြစ်များ

MARKUS 7:21

ai situt oné mai, mai oné mai nai data, losa sanggéd nuk da’at, loma ata, tako, ala ata,

LUKAS 12:17

Hia réi oné nai koén: Co’o kétag laku pandéd, ai aku toé manga osang te ngancéng na’ad laku cir tanag.

LUKAS 16:24

Itug kali kepokn hia, agu mai taén: Ema Abraham, ba’éng koé aku. Jera koé hi Lazarus, kudut hia bembo lobo limé toson oné waé, kudut pandé lep koé lema daku, ai aku beti bailk oné dila api ho’o.

LUKAS 19:40

Mai walé Diha: “Aku taé agu méu: Émé hema isé so’o, watu so’o te raos.”

LUKAS 3:8

Itu tara cir koé wua ata pakep tau agu teser. Agu néka nuk oné nai koés: Hi Abraham ema dami! Ai taé laku agu méu: Mori Keraéng ngancéng pandé sanggéd anak latang te hi Abraham oné mai sanggéd watu so’o!

LUKAS 5:22

Maik Mori Yésus pecing nuk disé, maig taén ngong isé: “Apay ata nuk laing de méu oné nais?

LUKAS 7:39

Du ata Parisi hitut siro Mori Yésus, ita pandé de inéwai hitu, mai taén oné nain: “Damang émét nabi de Hia ho’o, pecing kéta muing Liha, céing péng, agu inéwai ata apa péng hitut omar Hia; pecing kéta Liha, te inéwai hitu, cengata ata ndékoky.”

YOHANÉS 8:33

Mai walé disé: “Ami ho’o waé di Abrahamkm. Agu toé dé’it manga ciri mendi data laingkm. Co’o tara nggo’on taé de Hau: Méu kudut célam?”

YOHANÉS 8:37

“Pecing kolé Laku, méu waé di Abraham, maik méu lémét kudut mbelé Akum, ai curup Daku toé tiba oné nai de méu.

YOHANÉS 8:53

Nahét céwé kéta mésé Hau hitu po ema dité hi Abraham ata poli matan! Sanggéd nabi kolé poli taungs matad; kudut te cama agu céing kéta weli Hau hitu ga?”

TOMBO PÉTÉ GORI DE RASUL-RASUL 13:26

Oé asé-ka’é daku méut waé di Abraham, agu méut hiang Mori Keraéng, keréba selamak hitu polig cain oné ité.

TOMBO PÉTÉ GORI DE RASUL-RASUL 15:14

hi Simon poli tombo te du pu’ungn Mori Keraéng téi nabit latang te wa’u bana kudut lir oné mai isé, te ciri ro’éng latang te Hia.

ROMA 4:1

Jari, co’o weli nuk dité, latang te hi Abraham empo dité?