MATÉUS 3:7 - Bahasa Manggarai New Testament

⁷ Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

MATÉUS 3:7 ပူးပေါင်းရင်းမြစ်များ

MATÉUS 12:24

Landing woko dengé lata Parisi, mai taé disé: “Ai li Béélzébul tu’a de jing da’at, tara ngancéng mbérd Liha jing da’at.”

MATÉUS 12:34

Oé méut waé de ular mbangi, co’o méu ngancéng pa’u go’ét ata di’an, égém weki rus méu da’ats! Ai situt go’ét de mu’u, tua oné mai tukad.

MATÉUS 15:12

Itu kali maid ata nungkun agu réi Hia: “Mori, baé lité, curup Dité hitu pandé kéré kéta naid isét Parisi?”

MATÉUS 16:1

Poli hitu mais ata Parisi agu ata Saduki kudut damang Mori Yésus. Tegi lisé kudut Hia toto can tanda éta mai Surga, oné isé.

MATÉUS 16:6

Mai taé de Mori Yésus agu isé: “Néka témo, agu jangka koé latang te ragi data Parisi agu Saduki.”

MATÉUS 22:15

Poli hitu ngos ata Parisi; jangka disé, co’o moléy lisé ngancéng seréntén Mori Yésus le can réi.

MATÉUS 22:23

Du leso hitu mai pisa taus ata Saduki oné Mori Yésus, ata le ita disé, toé manga mosé kolé du poli mata. Réi lisé agu Hia:

MATÉUS 22:34

Du dengén lata Parisi, te Mori Yésus poli pandé jenger ata Saduki, itus nekekd weki disé

MATÉUS 23:33

Oé méut ular, oé méut waé de ular mbangi! Co’o méu kong mo’éngs, oné mai wahéng de api neraka?

MATÉUS 5:20

Itup taé Daku agu méu: émé toé pandés le méu apa ata ngoéng de Morin céwé oné mai isét pecing Taurat agu sanggéd ata Parisi, moron tu’ung, méu toé ngancéng ocok nggeroné Surga.

MARKUS 12:13

Poli hitu jera lisé pisa taus ata Parisi agu wa’i-limé di Hérodés nggere-oné Mori Yésus, kudut nggoko Hia ali can kaut réi.

MARKUS 12:18

Mais oné Mori Yésus pisa taus ata Saduki, lorong nipek disé toé manga to’o kolé du poli matad. Isé réi oné Hia:

MARKUS 8:15

Og kali Mori Yésus jér isé, mai taén: “Néka témo agu jerék latang te ragi data Parisi agu ragi di Hérodés.”

LUKAS 16:14

Sanggéd situ dengé taung lata Parisi, mendi-mendi de séng, agu isé tawa laing Hias.

LUKAS 18:11

Ata Parisi hitu hesé dion oné mai ata bana agu ngaji nenggo’oy: Yo Mori, aku wali di’a agu Ité, ai aku toé ného ata situk, toé ata purak, toé ata gutek, toé ata mbérongk, agu toé kolé ného ata tegi béa ho’ok;

LUKAS 7:30

Maik sanggéd ata Parisi agu ata pecing Taurat doét nanéng de Mori Keraéng latang te isé, ai isé toé gorid te cebong li Yohanés.

YOHANÉS 1:24

Agu oné mai ata situt wuat, manga pisa taus ata Parisi.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

YOHANÉS 9:40

Sanggéd tombo situ, dengé lata pisa taus ata Parisi ata manga nitus, agu mai taéd ngong Hia: “Co’o weli betuan hitu ga, ami kolé butakm?”

TOMBO PÉTÉ GORI DE RASUL-RASUL 15:5

Maik pisa taus isét redu-sina Parisi ata poli imbi hesés agu mai taéd: “Sanggéd ata toé Yahudi paka olong sunats agu paka luts lisé Wintuk di Musa.”

TOMBO PÉTÉ GORI DE RASUL-RASUL 20:31

Landing hitu jerék-jerék koém agu nuk di’a-di’a, tédéng telu ntaung wié-leso, aku toé kéta beténg toing méu gici ca ali lanar kid lu’u matag.

TOMBO PÉTÉ GORI DE RASUL-RASUL 26:5

Béhéng kéta ga, isé pecing aku, agu émé ngoéngd isé, isé ngancéng téi saka-si, te aku poli mosé ného cengata ata Parisi lorong aliran ata céwé kerasn oné agama dité.

TOMBO PÉTÉ GORI DE RASUL-RASUL 5:17

Itug kali wangkag Imam Mésé agu sanggéd ata lutn, isét ata Saduki, toto kuasad, ai isé guér kétas.

ROMA 1:18

Ai rabo de Mori Keraéng toto éta mai Surgan ali sala de manusia, ata pandé rempé toing molor ali rani molé.

ROMA 5:9

Céwén kolé, ai ité ho’o ga poli tiba le Mori Keraéng le dara di Kristus, ité toét-toé selamak lut Hia oné mai rabo de Mori Keraéng.

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

IBRANI 11:7

Le imbin, hi Noé poli langgan le Mori Keraéng latang te cao-ca situt toéd ita. Hia lorong jér de Mori Keraéng te ambi kepal kudut selamak haé kilon. Lino ho’o hena le wahéng, maik hi Noé rékéng le Mori Keraéng ca ata molor lorong agu imbin.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

1 YOHANÉS 3:10

Ho’os tarad sanggéd anak de Mori Keraéng ko anak de jing da’at: ata siot pandé molor, loas oné-mai Mori Keraéngd. Maik, céing kaut ata toé momang asé-ka’é ca imbin, hia anak de jing da’aty.