MATÉUS 24:4 - Bahasa Manggarai New Testament

⁴ Mai walé de Mori Yésus agu isé: “Néka témo, boto manga ata pandé cibul méu!

MATÉUS 24:4 ပူးပေါင်းရင်းမြစ်များ

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

LUKAS 21:8

Mai walé Diha: “Jerék-jerék koém, boto woréng latam. Ai dod ata te mai ba ngasang Daku, agu mai taéd ga: Aku dé Hia, agu: tiong wié-leson ga. Méu néka lut isé.

GALATIA 6:3

Ai émé hiat cengata doing mengit weki run, kali po toé, hia hitu ata adong weki run.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

ÉFÉSUS 5:6

Méu néka wéléng landing le curup data siot toé manga betuan, ai curup disé situ pandé siro rabo de Mori Keraéng.

KOLOSÉ 2:18

Néka ondang ontong de méu génggél lata siot pisik kasi-asi naid, agu suju malékats ko bombong-rakd le wéla-mata agu toé manga comongn pandé mésé-nai weki ru ali nuk de lino,

KOLOSÉ 2:8

Jengkek di’a-di’am, boto manga ata pandé wa-nai de méu ali go'ét mésé data hitut pandé adong. Go'ét mésé situ toé lorong hi Kristus, maik lorong toing de manusiay agu déwa-du'ang de lino ho'oy.

2 TÉSALONIKA 2:3

Méu néka ndong pandé wéléng lata, ali co’o kaut pandén! Ai bolon leso cemol hitu, do kéta ata lawang Mori Keraéng agu pandé si’ang kétas di manusia ata da’at hitut paka ampus.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.