MATÉUS 17:1 - Bahasa Manggarai New Testament

¹ Enem leso wa ga, Mori Yésus dadé hi Pétrus, hi Yakobus agu asén hi Yohanés, agu cama laing agu iséy Hia ngo éta poco langkas. Nitu isé hanang koéd.

MATÉUS 17:1 ပူးပေါင်းရင်းမြစ်များ

MATÉUS 17:2

Wa kéta ranga diséy, rodo caling kaut tara de Mori Yésus, rangan cias mana mata leso, agu juban ciri bakok dirap cama ného ciang.

MATÉUS 26:37

Agu dadé Liha hi Pétrus agu sua taus anak di Zébédéus cama laing agu Hia. Og pu’ung nitu main Hia wéong agu simpung kéta naiN.

MARKUS 13:3

Du rémé lonton Mori Yésus éta Golo Zaitun dungka kéta agu Mbaru de Mori Keraéng, hi Pétrus, hi Yakobus, hi Yohanés agu hi Andréas, réi hanang koéd agu Hia:

MARKUS 5:37

Itug kali Mori Yésus toé sendo cengatan ata lut, bo hi Pétrus, hi Yakobus agu hi Yohanés asé-kaé di Yakobus.

LUKAS 8:51

Du caid oné mbaru di Yairus, Mori Yésus toé sendo cengatan ngo boné agu Hia, bo hi Pétrus hi Yohanés agu hi Yakobus, agu endé-ema de anak koé hitu.

2 KORINTUS 13:1

Ho’ot telu ngkalin ga, aku mai la’at méu. Oné Surak Nggeluk manga tulis, émé oné ca bicar manga sua ko telu taun ata te ciri saka-si, bicar hitu tu’ung kétay.

2 PÉTRUS 1:16

Mori dité hi Yésus Kristus te mai koléy déméng mengitN. Du ba keréba hitu oné méu, toé campit le joak de manusia maik le ita dungka lami mengit Diha.

2 PÉTRUS 1:18

Weki rug ami dengé reweng hitut mai éta-mai Surgan, du ami cama-cama agu Hia manga éta poco nggeluk hitu.