MATÉUS 11:11 - Bahasa Manggarai New Testament

¹¹ Aku taé agu méu: Moro matan, oné mai isét loas le inéwai, toé dé’it manga tuan cengatan ata céwé mése oné mai hi Yobanés te Cebong; landing hiat merik-kejik oné osang Surga, céwé méséd oné mai hia.

MATÉUS 11:11 ပူးပေါင်းရင်းမြစ်များ

MATÉUS 11:10

Ai latang te hia manga tulisn: Lélo ga, Aku wuat atag bolo mai Ité, hia kudut wé’ang salang bolo mai Ité.

MATÉUS 11:12

Du pu’ung mangan hi Yohanés Cebong dengkir te ho’on, manga ata te purakn Adak Surga, agu hiat purakn, damang te kuasan liha.

MATÉUS 3:1

Du hitu tuan hi Yohanés te téing Cebong oné satar mambak Yudéa agu kréban:

MATÉUS 3:11

Aku cebong méu le waé te tanda tesér, maik Hia ata mai bemusi mai aku, ata céwé mésé kuasan oné mai aku, agu toé remog aku te tiwit sepatun. Hia kudut te cebong méu le Nai Nggeluk agu le api.

MATÉUS 5:19

Landing hitu céing ata pandé mora Adak Taurat koném can agu ata dai koén, agu nenggitu koléy toing liha agu ata bana, hia hitu lonto comong wa kétay oné osang Surga. Maik céing ata pandés agu toing sanggéd Adak Taurat hia hitu te lonto comong étay oné Surga.

LUKAS 1:15

Ai hia te moséy oné ranga de Morin agu hia toé kéta inung anggor ko tuak rani agu hia penong le Nai Nggeluky, pu’ung oné mai tuka de endén;

LUKAS 7:28

Aku taé agu méu: Oné mai isé situt loas le inéwai, toé manga cengatan ata céwé mésén oné mai hi Yohanés; landing ata merik-kejikn oné Adak de Mori Keraéng, céwé mésé oné mai hia.”

LUKAS 9:48

agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

YOHANÉS 1:15

Hi Yohanés ata téing sakasi latang te Hia agu kepok’n, taén: “Ho’o dé Hia, ata hiot taé daku du tombo laku nenggo’o: Musi mai aku, manga cai’n Hia atat be bolon mai aku, ai Hia poli mangan du toé dimanga’g aku.”

YOHANÉS 1:27

ngong Hia, ata cai bemusi mai akuy. Te tiwit sepatu’N kaut toé remog aku.”

YOHANÉS 10:41

Dod ata mai oné Hia, agu mai taéd: “Bo kali hi Yohanés toé manga pandé ca tanda lengetn maik sanggéd situ taé dé’its liha latang te ata ho’o, toé kéta manga salang be pé’angd.”

YOHANÉS 3:30

Hia paka tambang méséy, maik aku paka ciri koék.

YOHANÉS 5:35

Hia cama ného culu ata dila te téing gérak, agu toé béhéng le méu mantén gérak hitu.

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

1 KORINTUS 15:9

Ai aku kéta ata céwé bocikn oné-mai rasul, agu toé patun te caro rasul, ai aku poli mbelé weki serani de Mori Keraéng.

1 KORINTUS 6:4

Koném po nenggitu, émé méu paka wintuk caca mbolot so’ot laséngd, méu néka téi wintuk hitu oné isét ata toé weki serani.

ÉFÉSUS 2:3

Bo danong sanggéd taung ité cama kolé ného isé. Du hitu mosé dité lut kaut belek da’at de weki agu nai dité. Ce-tu’ungn ité du hitu hena le rabo de Mori Keraéng cama ného ata bana situ.

ÉFÉSUS 3:8

Aku ho’o dé ata céwé bocikn oné-mai sanggéd taung weki serani. Maik Mori Keraéng téing aku widang ho’o: gori kudut wéwa Keréba Di’a oné sanggéd ata toé Yahudi latang te bora di Kristus ata toé ngancéng taungd.

2 TIMOTIUS 1:10

Te ho’on widang hitu polig si’angn, ali mai de Mori Sambé dité hi Yésus Kristus. Keréba Di’a hitu poli pandé kodan kuasa de mata agu téing mosé hitut toé ngancéng ampusn.

IBRANI 11:40

Ai Mori Keraéng poli ambi cao-ca ata céwé di’an latang te ité; ai émé toé cama-cama agu ité, isé kolé toé ngancéng ciri besiks.

1 PETRUS 1:10

Selamak hitu ata mbajik kéta cécan le sanggéd nabi, ata poli keréban latang te méu.