LUKAS 9:48 - Bahasa Manggarai New Testament

⁴⁸ agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

LUKAS 9:48 ပူးပေါင်းရင်းမြစ်များ

MATÉUS 18:10

Nuk di’a-di’a néka hang le hep cengatan oné mai anak koé so’o. Ai Aku taé agu méu: Manga dé malékatd isé éta Surga, ata lélo mtaung ranga de Ema Dakus éta Surga. [

MATÉUS 18:14

Nenggitu kolé Emas hitut éta Surga, toé ngoéngn oné mai cengatan anak koé so’o te moras.”

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

MATÉUS 25:45

Itu kali Hia te walé iséy: Aku taé agu méu; moro matan, sanggéd kaut ata toé pandé le méu latang te cengatan oné mai isét lengki da’at so’o, méu toé pandé kolé latang te Aku.

MARKUS 9:37

“Céing kaut ata tiba anak koé nenggo’o landing ngasang Daku, hia tiba Akuy. Agu céing kaut ata tiba Aku, toé Aku hitut tiba liha, maik Hia hitut wuat Aku.”

LUKAS 10:16

Céing kaut ata séngét méun, hia séngét Akuy; agu céing kaut ata doét méun, hia doét Akuy; agu céing hitut doét Akuy, ata hitu doét Hia hitut susung Akuy.”

LUKAS 14:11

Ai céing ata ngo’is le run béta, hia te na’a way, agu céing kaut ata hinggop le run, hia te téti nggeré-étay.”

LUKAS 22:26

Maik méu toé nenggitu, landing kali, hiat mésén kéta oné mai méu porong ciri ného anak koéy, agu hiat tu’a laing mana ata cau lewing.

LUKAS 22:30

Landing hitu méu kudut hang agu inung ca méja agu Akum oné Adak Daku, agu méu kudut lonto lobo seriga latang te beté-bicar de panga campulu sua wa’u Israél.

LUKAS 7:28

Aku taé agu méu: Oné mai isé situt loas le inéwai, toé manga cengatan ata céwé mésén oné mai hi Yohanés; landing ata merik-kejikn oné Adak de Mori Keraéng, céwé mésé oné mai hia.”

YOHANÉS 13:20

Aku taé agu méu: Tada laingn, céing ata tiba ata hitut wuat Laku, hia tiba Akuy. Agu céing ata tiba Aku, hia tiba Hiat wuat Akuy.”

YOHANÉS 14:21

Céing kaut ata caud perénta Daku, agu pandés liha, hiay ata momang Akun. Agu céing kaut ata momang Akun, hia te momang le Ema Dakuy. Aku kolé te momang hiak, agu te toi weki Rug oné hia.”

TÉSALONIKA 4:8

Landing hitu céing ata toé tiba curup ho’o, betuan, toé tiba curup de manusia, maik toé tiba curup de Mori Keraéng, hitut poli téing Nai Nggeluk oné méu.

1 PETRUS 5:6

Landing hitu, jinggop koém bolo-mai ranga de Mori Keraéng hitut penong kuasa, kudut émé rapak leson méu tiba mengit oné mai Hia.

WIDANG SI’ANG ONÉ HI YOHANÉS 21:14

Turéng de béndar hitu, hesé lobo campulusua watu ligéng ata manga tulis ngasang de campulusua rasul de Anak Jimbal.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.