LUKAS 9:33 - Bahasa Manggarai New Testament

³³ Agu lété isét sua situ kudut ngos oné mai Mori Yésusd, hi Pétrus taé agu Hia: “Guru, lengn tu’ung di’an mosé dami manga oné osang ho’o. Co’om hesé telun lami sékang, can te Ité, can te hi Musa, agu can te hi Élia.” Maik toé doing le weki run hi Pétrus curupn hitu.

LUKAS 9:33 ပူးပေါင်းရင်းမြစ်များ

MATÉUS 17:14

Du Mori Yésus agu ata nungkun ngo kolé oné beréha ata do situs, maiy cengata ata cumang Mori Yésus agu io liha,

MATÉUS 17:4

Mai taé di Pétrus ngong Mori Yésus: “Mori, mosé di’a tu’ungk ami ata manga oné osang ho’o. Émé ngoéngd ité, koném pandé cé’é ho’o laku telun sékang, can latang te Ité, can latang te hi Musa agu can latang te hi Élia.

MARKUS 10:38

Maik mai taé de Mori Yésus agu isé: “Méu toé pecing apa hitut tegi de méu. Ngancéng le méu inungn oné mai piala susa hitut paka inung Laku agu cebong hitut paka tiba Laku?”

LUKAS 5:5

Mai walé di Simon: “Tuang Guru, tédéng kéta wiégm ami oné wié oké ndala, maik toé manga haéng lagit can; maik le jera Dité, tara oké kolén laku ndala ho’o.”

LUKAS 9:34

Rémé di’an hia curup nenggitun, tuan rewung tunggem isé. Agu du isé boné rewung hitus, rantangs isé.

LUKAS 9:49

Mai taé di Yohanés: “Tuang Guru, ami ita cengata ata mbér jing le ngasang Dité, mai ami ré’ing ata hitu, ai hia toé ata ca lakoy agu Ité.”

YOHANÉS 14:8

Mai taé di Pelipus ngong Hia: “Mori, toi koé ami hi Ema hitu: remo damang hitu latang te ami.”

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.