LUKAS 9:32 - Bahasa Manggarai New Testament

³² Rémé nggitun hi Pétrus agu haé bélan toko lémots, agu du welad, isé ita Mori Yésus néra dirapn; agu isét sua situt hesé ruis Hias.

LUKAS 9:32 ပူးပေါင်းရင်းမြစ်များ

MARKUS 14:40

Agu du mai kolén Hia, repéngs Liha isé lari toko kid, ai mbau tuju kid matad, agu toég pecing lisé co’o kéta walén lisé curup Diha.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 17:24

Yo Ema, ngoéng Daku, poro nia kaut mangag Aku, isé kolé manga cama laing agu Akus, isé situt poli téing Lité agu Aku, kudut isé lélo néra Dakus, hitut poli téing Lité agu Aku, ai Ité momang tu’ung Aku, du toéd mangan lino ho’o.

2 PÉTRUS 1:16

Mori dité hi Yésus Kristus te mai koléy déméng mengitN. Du ba keréba hitu oné méu, toé campit le joak de manusia maik le ita dungka lami mengit Diha.

1 YOHANÉS 3:2

Asé-ka’én ata momang laku! Te ho’on ité anak de Mori Keraéngt, maik toé di si’ang ného niay mosé dité tai. Maik pecing lité, émé cai hi Kristus tai, ité te ciri cama ného Hiat. Du hitu po ngancéng lélo dungka lité Hia, te ného niay cetu’ungn taraN.