LUKAS 9:26 - Bahasa Manggarai New Testament

²⁶ Ai céing kaut ata ritak landing Aku, agu landing curup Daku, Anak Manusia kolé ritak landing ata hituy, du Hia tai mai agu dirapn, agu oné dirap de Eman, agu sanggéd malékat nggeluk.

LUKAS 9:26 ပူးပေါင်းရင်းမြစ်များ

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

MATÉUS 26:64

Walé le Mori Yésus: “Hau polig taé le rum. Landing Aku taé agu hau, pu’ung ho’o ga méu te ita Anak Manusia lonto du racap wanang Dihat kuasa mésé, agu mai lobo rewung éta awangy.”

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

YOHANÉS 12:43

Ai isé céwé ngoéng hiang cama manusia, itu po hiang Mori Keraéngs.

YOHANÉS 5:44

Co’o kaut tara ngancéng imbin le méu, émé méu kawé hiang oné mai cama taus, maik toé kawé hiang hitut mai éta mai Mori Keraéng hitut ca-y kali?

TOMBO PÉTÉ GORI DE RASUL-RASUL 10:22

Mai walé disé: “Hi Kornélius cengata kepala serdadu ata nggeluk agu hiang Mori Keraéng, agu pecing taung lata di’a diha, oné mai sanggéd wa’u Yahudi poli toi le malékat nggeluk, kudut hia siro ité, nggere-oné mbarun, agu kudut séngét apa kaut tombo dité agu hia.”

ROMA 1:16

Ali toé ritak aku latang te ba Keréba Di’a, ai Keréba Di’a hitu mberes de Mori Keraéng hitut pandé selamak néténg ata situt imbi. Keréba di’a hitu laring cain kéta latang te ata Yahudi agu ata Yunani.

2 KORINTUS 12:10

Landing hitu, aku naka agu lilek oné lesg, oné wahéng, oné mendo, oné susa agu kélo landing hi Kristus. Ai émé lesg aku du hituk aku mberesg.

GALATIA 6:14

Maik aku toé gorig bombong rak, bo émé bombong rak oné panggol de Mori dité Yésus Kristus. Ai le mata Diha oné panggol, lino ho’o toé manga betuan latang te aku, ko aku latang té lino ho’o.

2 TIMOTÉUS 5:21

Oné ranga de Mori Keraéng agu oné ranga di Kristus Yésus lawang malékat-malékat situt pilé Diha, tu’u-tu’ung kéta pedéd laku: pinga di’as toing salang so’o, néka semet, poro agil oné pandé sanggéd cao-ca, toé manga kambé céi-céing.

2 TIMOTIUS 1:12

Hitup tara ta’ongd laku sanggéd susa so’o, maik aku toé ritak; ai pecing tu’ung laku te Hia ata imbi daku. Baé kolé laku te apa ata poli imbid Liha oné aku, ngancéngs liha tinud dengkir agu Cemoln Lino.

2 TIMOTIUS 2:12

émé ité seberd, ité kolé te perénta cama-cama agu Hiat; émé ité pali Hiat, Hia kolé te pali itéy;

IBRANI 11:26

Rékéng li Musa, céwé di’a mericuy landing hi Mesias, ngong raja ata reké le Mori Keraéng, po tiba bora mésé oné-mai tana Mesir. Hi Musa bengkes lahén du leso tai.

IBRANI 13:13

Landing hitu, mait ga ité ngo be pé’ang-mai ndéi agu lut ciri bocik cama agu Hia.

YUDAS 1:14

Hi Hénokh, waé te pitun di Adam, poli ba pedé danong latang te isé situ, nggo’o taén, “Mori Keraéng agu cebu kétas malékat nggeluk te mais.

WIDANG SI’ANG ONÉ HI YOHANÉS 1:7

Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!

WIDANG SI’ANG ONÉ HI YOHANÉS 20:11

Itug kali itan laku ca seriga bakok mésé agu Hiat lonto bétan. Awang agu tana mora bolo-mai ranga Diha, wiga toé manga ita koléd.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 3:5

Céing ata ontong, ata hitu te paké le juba bakoky. Aku toé koso ngasang diha oné Buku Data Mosé. Aku kudut tura ngasangn oné ranga de EmaG agu oné ranga de sanggéd malékat Diha.