LUKAS 8:46 - Bahasa Manggarai New Testament

⁴⁶ Mai taé de Mori Yésus: “Manga cangata ata cau Aku, ai doing Laku, manga kuasa pé’ang oné mai weki Daku.”

LUKAS 8:46 ပူးပေါင်းရင်းမြစ်များ

LUKAS 5:17

Manga ca leso, rémé toing atan Mori Yésus, manga pisa taus ata Parisi, agu ata pecing Taurat, lonto séngét toing Dihas. Isét do situ mai oné mai sanggéd béo tana Galiléa, Yudéa, agu oné mai Yérusalémd. Kuasa de Mori Keraéng loréng Hiay, wiga Hia ngancéng pandé ina ata betin.

LUKAS 6:19

Agu sanggéd taung ata do situ, tili-woér kétas te asur Hia, ai manga kuasa ata pé’ang oné mai Hian, agu sanggéd ata situ pandé inas Liha.

LUKAS 8:47

Du lélon le inéwai hitu, te poli pecingn pandén hitu, hia mai agu ndéwern, cunem wa ranga Dihan, agu tombo oné ata do, co’o tara caun liha Hia, agu du hitu kéta muing hia inan.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.