LUKAS 8:44 - Bahasa Manggarai New Testament

⁴⁴ Hia mai musi main ngo ruis Mori Yésusy, cau lindi juba Diha agu du hitu kéta muing meti daran.

LUKAS 8:44 ပူးပေါင်းရင်းမြစ်များ

MATÉUS 20:34

Wa nain Mori Yésus le momang isé, itug kali asur Liha mata disé, agu du hitu kéta muing isé itas, poli hitu lut Hias.

MATÉUS 8:3

Itu kali losn limé de Mori Yésus, asur ata hitu, agu mai taén: “Gorig Aku, inah ga.” Du hitu muing inan boké data hitu.

MATÉUS 9:20

Du hitu manga cengata inéwai ata campulu sua ntaung béhéngn beti ru’u gogangy, lako ruis be musi mai Mori Yésus, agu cabi lindi juba paké Diha,

MARKUS 6:56

Nia kaut liba Diha, oné sangged béo, oné sanggéd béndar ko oné sanggéd mukang peher lata sanggéd ata beti oné amba, agu tegi oné Hia, kudut isé sendo koés am tamat te cabi lindi juba Diha. Agu sanggéd ata situt cabi Hia ina kéta taungs.

LUKAS 13:13

Itu kali témba limén lobo inéwai hitu, agu du hitu kéta muing hesén inéwai hitu, agu bong Mori Keraéngn.

LUKAS 7:38

Cang agu rétangn hia ngo hesé bemusi mai Mori Yésus ruis wa’in, pandé baca wa’i de Mori Yésus le lu’u matan agu koso le wukn, omo wa’in, poli hitu luma le mina bengé.

LUKAS 8:43

Manga kolé cangata inéwai, ata campulu sua ntaung gi, hena le ru’u gogang, agu toé manga cangatan ata ngancéng rewosn. (Koném po cipot taungs ringgin te bajar ata mbeko).

LUKAS 8:45

Mai taé de Mori Yésus: “Céing ho’ot cau Aku?” Agu ali toé manga ata walén, maig taé di Pétrus: “Tuang Guru, ata do so’ot nunggu-nenggér, dedek Ités.”

YOHANÉS 5:13

Maik ata hitut poli ina betin, toé baé liha céing ata hitut pandé ina hia, ai Mori Yésus ného baon moran ngo oné réha ata do nitu.

TOMBO PÉTÉ GORI DE RASUL-RASUL 19:12

ngot ba kaut sapu-soé ko towé ata poli dé’it paké li Paulus agu témba oné sanggéd ata beti, mora taungs beti disé agu pé’ang taungs jing da’at.

TOMBO PÉTÉ GORI DE RASUL-RASUL 5:15

Dod kolé lawa dadé ata beti nggere-pé’ang salang mésé agu pandé halas lisé lobo wongka agu oné locé, kudut émé lako hi Pétrus, cala hena koé cengata-cengatan oné mai isé le nénu diha.