LUKAS 8:28 - Bahasa Manggarai New Testament

²⁸ Du ita Mori Yésus liha, hia ciéky, agu cunem wa ranga Dihan, mai taén agu reweng ta’an: “Cégot té co’og aku Lité, oé Yésus Anak de Mori Keraéng hitut Langkas Kéta? Aku tegi agu Ité kudut Ité néka wahéng akut.”

LUKAS 8:28 ပူးပေါင်းရင်းမြစ်များ

MATÉUS 8:29

Isé situ ciéks taéd: “Te co’og ami Lité, oé Anak de Mori Keraéng? Cala mai Dité kudut wahéng ami bebolon cai wié leson?”

LUKAS 8:27

Du poli ngo lé tana masan Mori Yésus, main cengata ata rona oné mai béndar hitu cumang Hia; ata hitu hena le jing doy agu nais toé wéngko wekin, toé ka’éng oné mbarun, maik oné boay.

LUKAS 8:29

Hia taé nenggitu ai Mori Yésus perénta jing hitu pé’ang oné mai ata hitun. Ai dongkalin jing hitu sorok-saék hian, wiga kudut lamin hia, hia pongo le ranté agu langki moléy; maik hia pandé beté taungs apa situt pongo, agu hia mbér le jing hitu oné osang hitut lingi-lengot.

JAMES 2:19

Imbip le hau te hanang manga ca kanang kali Mori Keraéng? Bo hitun! Maik sanggéd jing da’at kolé imbi Mori Keraéng agu jejers le rantang.

2 PÉTRUS 2:4

Danong Mori Keraéng toé momang sanggéd malékat situt pandé ndékok, maik péncar isé nggere-wa neraka, osang nendep baté pongo isé le ranté kesep cai leson beté-bicar.

1 YOHANÉS 3:8

Céing ata pandé ndékok kin, ata hitu mai oné-mai jing da’atn, ai pu’ung du wangkan muing jing da’at ruda olo kétay pandé ndékokn. Latang te hitu dé tara cain Anak de Mori Keraéng, kudut pandé ampus taungs sanggéd gori de jing da’at.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.