LUKAS 8:21 - Bahasa Manggarai New Testament

²¹ Mai walé Diha ngong isé: “Endé agu asé-ka’é Daku, isé situt séngét agu pandés reweng de Mori Keraéng.”

LUKAS 8:21 ပူးပေါင်းရင်းမြစ်များ

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

MATÉUS 25:40

Agu mai walé de Raja hitu agu isé: Moro matan, Aku taé agu méu, sanggéd kaut ata pandé le méu latang te cengatan oné mai asé ka’é Daku so’ot lengki da’at, méu poli pandé latang te Akus.

MATÉUS 25:45

Itu kali Hia te walé iséy: Aku taé agu méu; moro matan, sanggéd kaut ata toé pandé le méu latang te cengatan oné mai isét lengki da’at so’o, méu toé pandé kolé latang te Aku.

MATÉUS 28:10

Mai taé de Mori Yésus ngong isé: “Néka rantang. Ngom ga, agu tombo oné asé-ka’é Daku, kudut isé ngo oné Galiléas, agu nitus isé te tiba Akus.”

LUKAS 8:15

Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

LUKAS 8:20

Mai ata tombo agu Hia: “EndéM agu asé-ka’éM ho’o pé’angs te cumang Ités.”

YOHANÉS 13:17

Émé pa’él taung so’o le méu, di’a de mosés méu émé pandés le méu.

YOHANÉS 20:17

Mai taé de Mori Yésus ngong hia: “Néka cau Aku, ai Aku toé di ngo éta hi Emag, maik ngo oné taung asé-ka’é Daku, agu tura oné isé te ho’on Aku te ngo éta Emag agu Ema de méu; éta Mori Keraéng Daku agu Mori Keraéng de méu.”

2 KORINTUS 5:16

Landing hitu, ami kolé toé wolo belar de cengata lorong wolo de manusia. Émé ami poli dé’it wolo belar hi Kristus lorong wolo de manusia, te ho'on ami toé kolé wolo belar nenggitu kamping Hia.

2 KORINTUS 6:18

Aku kudut ciri Ema de méu, méu kudut ciri anak Daku, ata rona agu iné-wai, nenggitu dé reweng de Mori Keraéng pu’un kuasa.”

JAMES 1:22

Pandés ga le méu apa ata poli rewengn le Mori Keraéng, toé hanang séngét kanang. Ai émé toé nenggituy, ngong te méu nggopét weki rus.

1 YOHANÉS 2:29

Émé pecing le méu te hi Kristus hitu ciri Anak le pandé molor, méu paka pecing kolé, te sanggéd ata situt pandé molor loas oné-mai Mori Keraéngd.

3 YOHANÉS 1:11

Asé-ka’ég ata momang laku! Néka tomings le hau sanggéd pandé da’at, toming kaut ata di’ad. Céing ata pandé di’a, hia hitu paéng de Mori Keraéngn, maik céing ata pandé da’at, hia hitu toé paéng de Mori Keraéng.