LUKAS 8:18 - Bahasa Manggarai New Testament

¹⁸ Landing hitu, lélo dé co’oy taran séngét de méu. Ai céing ata mangan, te téing oné hia, maik céing ata toé mangan, apa kaut ata rékéng mangan oné hia, kudut emi oné mai hiad.”

LUKAS 8:18 ပူးပေါင်းရင်းမြစ်များ

MATÉUS 13:12

Ai céing-céing ata mangad ga, téing oné hias, wiga diha héla-haéd; maik céing ata toé mangad, apa kaut ata mangad oné hia, te emi oné mai hiad.

MATÉUS 25:29

Ai néténg ata hitut mangad, oné hia te téing wiga diha héla-haéd. Maik céing ata toé kéta manga apa-apan, situt manga oné hiad, te emi kolés oné mai hiad.

MARKUS 13:14

“Émé ita le méu ‘Ata Pandé Kosé’, hesé oné osang ata toé patun latang te hia-ata bacang paka tingo di’a-di’a - Céi-céi ata manga oné Yudéa paka gélang losi nggere-éta pocos.

LUKAS 19:26

Mai walé diha: Aku taé agu méu: néténg ata situt ngai mangad, te téing oné hia, maik hiat toé mangan, oné mai hia te emis, nenggitu kolé apa situt ngai mangad oné hia.

LUKAS 9:44

“Séngét di’a-di’a agu idep koés sanggéd curup Daku so’o: Anak Manusia te téing lobo limé de manusiay.”

YOHANÉS 15:2

Néténg rengka oné Aku situt toé wuas, rociks Liha, maik néténg rengka ata wuad, dawings Liha kudut tambang recut wuad.

TOMBO PÉTÉ GORI DE RASUL-RASUL 10:33

Itu tara gélang-gélang jera ata ngo curu ité agu ali nisang nai ité mai cé’é ho’o. Te ho’on manga taung ami ga oné ranga de Mori Keraéng, kudut séngét apa kaut perénta de Mori Keraéng lut ité.”

TOMBO PÉTÉ GORI DE RASUL-RASUL 17:11

Ata Yahudi oné béndar hitu céwé di'a naid, itu po ata Yahudi oné Tésalonika. Isé tiba reweng hitu ali nisang naid agu lété leso isé bacang surak nggeluk, kudut pecing tu’ung ko toé sanggéd situt poli tombod.

ROMA 12:3

Landing ali tabing ata téi oné aku, aku taé néténg méu: Néka mésé nai po apa ata cetu’ungn, maik damang maring wekis, lorong mésén imbi de méu hitut widang de Mori Keraéng.

1 KORINTUS 14:37

Émé hiat cengata caro weki run ca nabi, ko ata hiot tiba widang nggeluk, paka noing liha te apa so’ot tulis daku oné méu, perénta de Mori Keraéng.

1 KORINTUS 3:18

Néka manga ata pandé nggopét weki run. Émé manga oné-mai méu ata rékéng weki run manga nggalasn lorong ngoéng de lino ho’o, kong demeng hia ciri bodokn kudut manga nggalasn.

1 KORINTUS 8:2

Émé manga ata hiot le betn te hia manga “pecingn,” hia hitu toé di haéng pecing ata délemn.

PILIPI 3:4

Bo kali tu’ungn, aku kolé manga tanjéng latang te adak ata pandé de manusia. Émé manga ata bana bombong-rak laing landing adak ata pandé de manusia, céwén kolé aku:

IBRANI 2:1

Landing hitu, paka mbajik kéta te séngét apa ata poli dengé dité, boto ba le waé wa’at.