LUKAS 8:15 - Bahasa Manggarai New Testament

¹⁵ Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

LUKAS 8:15 ပူးပေါင်းရင်းမြစ်များ

MATÉUS 24:13

Landing isét ta’ong dengkir cemoln, ngancéng selamaks.

LUKAS 11:28

Maik mai taé Diha: “Ata mosé di’a, isét situt séngét curup de Mori Keraéng, agu tinus néngd.”

LUKAS 6:45

Ata situt di’a, tua curup di’a oné mai ici naid hitut di’a, agu ata situt da’at tua curup da’at oné mai ici naid hitut da’at. Ai hitut curup de mu’um, temberua oné mai nain.”

LUKAS 8:14

Tana oné remang karot, ngong ata situt poli dengé curup situ, agu du uwa nggerolod ga, isé kecé le simpung agu le bora agu minakn mosé, wiga isé toé cir wua situt té’é.

LUKAS 8:16

“Toé dé’it manga ata hitut tutung lampu, poli hitu tugep le gumbang, ko na’a be wa mai wongka, maik na’a lobo bongga run kali, kudut sanggéd ata situt ngo oné mbaru, ngancéng ita gérakn.

YOHANÉS 14:15

“Émé momangk dé Aku le méu, méu luts sanggéd perénta Daku.”

YOHANÉS 15:10

Émé méu lut perénta Dakum, méu te ka’éng oné momang Dakum, ného Aku lut perénta de Emag, agu ka’éng oné momang Dihak.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

ROMA 6:22

Maik te ho’on du poli célas méu oné mai ndékok, agu du méu poli ciri mendi de Mori Keraéng, méu tiba wua ata dadé méu nggere-oné mosé nggeluk. Cemold taung situ méu tiba mosé tédéng lén.

ROMA 7:18

Ai pecing laku, te oné aku manusia lunggu-lepé ho’o toé manga can ata di’an. Ai bo get ata di’an manga oné aku, maik toé pandé laku.

ROMA 7:4

Landing hitu asé-ka’é daku, latang te méu wintuk Taurat poli matan, landing le mata di Kristus. Kudut méu ciri paéng Diha ata poli to’o kolén oné mai ata matan, wiga ité manga wuad latang te Mori Keraéng.

ROMA 8:25

Maik émé ité bengkes latang te apa ata toé ita lité, seber kaut te géréng.

1 KORINTUS 7:19

Ai poli sunat ko toé di sunat toé manga betua laing. Ata betua laing kali, lorong taungs Adak de Mori Keraéng.

ÉFÉSUS 2:8

Woko méu imbi oné hi Yésus Kristus, itu tara momang agu pandé selamaks méu le Mori Keraéng.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

IBRANI 10:36

Méu paka gepek, kudut méu ngancéng lorong wintuk de Mori Keraéng, wiga méu tiba apa ata poli reké Diha.

IBRANI 2:1

Landing hitu, paka mbajik kéta te séngét apa ata poli dengé dité, boto ba le waé wa’at.

JAMES 1:4

Kong damang gepek hitu manga wuad ata té’é kudut méu ciri besik, toé rehong agu toé manga géong.

1 YOHANÉS 2:3

Ho’oy tandan te ité pecing Mori Keraéng: émé lorong lité sanggéd peréntaN.