LUKAS 8:10 - Bahasa Manggarai New Testament

¹⁰ Mai walé Diha: “Oné méu téi widang te pecing pété cehad Adak de Mori Keraéng, maik oné ata bana, toing situ, ba le rapang molés, ai koném po lélo, isé toé ita, agu koném po séngéts, isé toé haéng pa’éld.

LUKAS 8:10 ပူးပေါင်းရင်းမြစ်များ

MATÉUS 11:25

Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.

MATÉUS 16:17

Mai walé de Mori Yésus ngong hia: “Mosé di’a hau Simon Bin Yunus, ai toé manusia hitut taé agu hau, maik Ema Daku hitut éta Surga.

MARKUS 4:11

Mai taé Diha: “Agu méu poli téing nggalas nai kudut pecing pété ceha Adak de Mori Keraéng, maik latang te ata bana sanggéd cao-ca toing le rapang molés,

MARKUS 4:12

kudut: Koném po ita lisé, maik toé idep koném po séngéts lisé, maik toé tingo, kudut isé néka tesérs agu ampong ndékokd.”

YOHANÉS 12:40

“Hia poli pandé buta matad, agu tadu salang naid kudut néka ita le matad agu néka idep oné naid, itu kali holés, wiga Aku pandé ina isék.”

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

1 KORINTUS 12:11

Landing hitu kin Nai Nggeluk ata pandéd sanggéd taung so’o, téi petok widang oné néténg ata lorong ngoéng de ru’N.

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”