LUKAS 5:5 - Bahasa Manggarai New Testament

⁵ Mai walé di Simon: “Tuang Guru, tédéng kéta wiégm ami oné wié oké ndala, maik toé manga haéng lagit can; maik le jera Dité, tara oké kolén laku ndala ho’o.”

LUKAS 5:5 ပူးပေါင်းရင်းမြစ်များ

LUKAS 17:13

agu mai kepokd: “Yésus, Tuang Guru, ba’éng koé ami!”

LUKAS 8:24

Og maid ata nungku Diha, kéngko Hia, taéd: “Tuang Guru, copélt ité ho’o ga!” Itug kali to’on Hia, kenta buru warat agu waé hitut tombu-rou. Buru warat agu waé hitu rodo lik, sano hitu kolé letety.

LUKAS 8:45

Mai taé de Mori Yésus: “Céing ho’ot cau Aku?” Agu ali toé manga ata walén, maig taé di Pétrus: “Tuang Guru, ata do so’ot nunggu-nenggér, dedek Ités.”

LUKAS 9:33

Agu lété isét sua situ kudut ngos oné mai Mori Yésusd, hi Pétrus taé agu Hia: “Guru, lengn tu’ung di’an mosé dami manga oné osang ho’o. Co’om hesé telun lami sékang, can te Ité, can te hi Musa, agu can te hi Élia.” Maik toé doing le weki run hi Pétrus curupn hitu.

LUKAS 9:49

Mai taé di Yohanés: “Tuang Guru, ami ita cengata ata mbér jing le ngasang Dité, mai ami ré’ing ata hitu, ai hia toé ata ca lakoy agu Ité.”

YOHANÉS 15:14

Méu haé reba Dakum, émé pandés le méu situt perénta Laku agu méu.

YOHANÉS 2:5

Maik endé de Mori Yésus taé agu isét wintuk laing: “Apa kaut ata curup Diha kamping méu, pandé taung situ le méu!”

YOHANÉS 21:3

Mai taé di Simon Pétrus agu isé: “Aku ngo ndala ikangk.” Mai taé disé ngong hia: “Ami kolé iwo ngo agu hau.” Itu kali ngod tuké lobo wangka maik le wié hitu lagit haéng cemongkon lisé.