LUKAS 5:26 - Bahasa Manggarai New Testament

²⁶ Sanggéd ata situ lenget kétas, itu kali bong Mori Keraéngd agu rantang kétas isé, mai taéd: “Leso ho’o, ami poli ita le matagm sanggéd apa ata lenget kéta laings.”

LUKAS 5:26 ပူးပေါင်းရင်းမြစ်များ

MATÉUS 12:23

Itug kali lenget kéta taung ata do situ, mai taéd: “Hia ho’o am Anak di Daud.”

MATÉUS 28:8

Gelang-gélangs isé koléd oné mai boa hitu, déméng agu rantangd, maik kais kéta naid agu tendi kétas mburukd te tombo agu rasul-rasul de Mori Yésus.

MATÉUS 9:8

Wiga ata do situt ita pandé hitu, rantangs, itu kali naring Mori Keraéngd ata poli téing kuasa nenggitu oné manusia.

MARKUS 2:12

Agu ata hitu heséy, gélang-gélang téti brotongn agu ngo nggere-pé’angy oné ranga de lawa do situ, wiga sanggéd isé jenger taungs, og kali naring Mori Keraéng, mai taéd: “Pandé nenggo’o toé dé’it manga itan lité.”

LUKAS 1:65

Rodo rantang taungs ata situt ka’éng baling isé, agu sanggéd apa situ dumuk lobo-mu’us oné temu tana lengko Yudéa.

LUKAS 5:8

Du ita li Simon Pétrus tanda lenget hitu, hia cunem wa ranga de Mori Yésusy, agu mai taén: “Mori, co’om tadang koét oné mai akud, ai aku ho’o ata ndékok.”

LUKAS 7:16

Sanggéd ata situ rantang da’ats, agu isé bong Mori Keraéngs, cang agu taéd: “Cengata nabi mésé poli mangan oné bahi-réha ité. Mori Keraéng mai ba te selamak ro’éngn.”

LUKAS 8:37

Itu kali sanggéd taung ata tana Gerasa tegi oné Mori Yésus, kudut Hia ngo nitu main, ai isé rantang da’ats. Itug kali Hia léti lobo wangkan, agu lajar té koléd.

TOMBO PÉTÉ GORI DE RASUL-RASUL 4:21

Tambang kéta cirangn ngerek disé kamping rasul-rasul situ, maik cemoln ga, lego kolés isé, ai lonto léok hitu toé manga ita salangn te wahéng isé, ai lawa-do naring Mori Keraéng lut tanda lenget hitut pandé di Pétrus.

GALATIA 1:24

Itu kali isé bong ngasang de Mori Keraéng landing aku.