LUKAS 4:6 - Bahasa Manggarai New Testament

⁶ Mai taé de jing da’at ngong Hia: “Sanggéd situt kuasa agu di’a dirapn te téing Haus laku, ai sanggéd situ polig téing agu akud, agu aku téing oné céing kaut ata ngoéng laku.

LUKAS 4:6 ပူးပေါင်းရင်းမြစ်များ

LUKAS 4:7

Jari, émé Hau suju akuh, sanggéd menan situ, de Haus morid.”

YOHANÉS 12:31

Ho’og ruda olon beté-bicar te lino ho’o, te ho’on muing Hiat kuasa lino ho’o, te wéwéng nggere-pé’angy.

YOHANÉS 14:30

Aku toég manga kolé do curupg agu méu, hiat kuasan lino ho’o maiy, agu hia toé kéta manga kuasa koé cekoén oné weki Daku.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

2 KORINTUS 11:14

Néka lenget laing émé nenggitu pandé disé, ai jing da’at kolé tangké ného malékat de Gérak.

ÉFÉSUS 2:2

Du hitu méu mosé lut ruku de lino ho’o, te lorong ata cau kuasa de awang ngong nai hitut weger kéta oné bahi-réha ata toé junggu agu Mori Keraéng.

1 PETRUS 1:24

Ai manga tulis oné Surak Nggeluk: “Sanggéd manusia cama ného remangs, sanggéd mbasakn cama ného wéla remangs. Mélos remang, lodas wélan.

1 YOHANÉS 5:19

Pecing lité te ité loas oné-mai Mori Keraéngd, koném po lino ho’o kuasa le jing da’aty.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 13:2

Kaka hitut ita daku, ného kéta énggo mésé, wa’in ného wa’i de beruang agu mu’un ného mu’u de singa. Manunggé hitu téing oné kaka hitu mberesn, serigan agu kuasa mésén.

WIDANG SI’ANG ONÉ HI YOHANÉS 13:7

Kaka hitu kolé tiba kuasa te lawang agu pandé kodas sanggéd ro’eng de Mori Keraéng. Tiba kolé liha kuasa te perénta sanggéd wa’u, tana, curup agu uku.