LUKAS 4:22 - Bahasa Manggarai New Testament

²² Sanggéd ata situ naring molor Diha, agu isé lengets landing curupn situt manik laingd néng caron, itu kali mai taéd: “Toé weli anak di Yusuf Hia ho’o ko?”

LUKAS 4:22 ပူးပေါင်းရင်းမြစ်များ

LUKAS 2:47

Sanggéd taung isét séngét curup Diha lenget laing cedekn, nenggitu kolé sanggéd walé Diha situ.

LUKAS 2:48

Du itan Hia lata tu’an, lenget taung isé, mai taé de endén ngong Hia: “Nana, co’o tara pandé nenggo’om Hau agu ami? Lélo emam agu aku soang naigm kawé Hau?”

LUKAS 21:15

Ai weki rug Aku te téing oné méu nai nggalas, wiga méu toé ngancéng koléng ko ganggas le ata balis.

LUKAS 4:21

Itu kali Hia pu’ung toing isé, mai taén: “Oné leso ho’o rapakn curup ho’o, du dengén le méu.”

YOHANÉS 1:45

Hi Pelipus cumang agu hi Natanaél, agu mai taén ngong hia: “Ami poli cumang Hiagm, ata hiot caro di Musa oné Surak Taurat agu le sanggéd nabi, Mori Yésus anak di Yosép oné mai Nazarét.”

YOHANÉS 6:42

Mai kolé taéd: “Toé néng hi Yésus anak di Yosép Hia ho’o ko, ata endé-eman pecing tu’ungs lité? Co’o kaut Hia tara nenggo’on taén: Aku poli wa’u éta mai Surgag?”

YOHANÉS 7:46

Mai walé data lami situ: “Toé dé’it manga repéng lami cengata manusia ata curup ného ata hitu!”

TOMBO PÉTÉ GORI DE RASUL-RASUL 6:10

maik isé toé ngancéng dungkang nai ngalis ata téing le Nai Nggeluk hitut susung hia te curup.

TITUS 2:8

molor agu toé manga celad oné kerébam hitu, wiga sanggéd ata balim ciri ritaks, ai toé manga ata da’atd te tombo lisé latang te ité.