LUKAS 4:20 - Bahasa Manggarai New Testament

²⁰ Poli hitu tadu Liha buku hitu, téing kolé oné hiat caun, itug kali lonton; lepot oné Hia taungs mata disét manga oné Mbaru ngaji hitu.

LUKAS 4:20 ပူးပေါင်းရင်းမြစ်များ

MATÉUS 26:55

Du hitu mai taé de Mori Yésus ngong ata do situ: “Nuk de méu aku ho’o ata tako mésé, wiga méu améng taung sempilang agu semambus te deko Aku? Égém Aku néténg leso lonto toing atak oné Mbaru de Mori Keraéng, maik méu toé deko Akum.

MATÉUS 27:60

agu loling liha oné boa weru, ata poli cakén oné golo watu. Agu du poli nggolingn liha ca watu mésé oné para boa hitu, itug kali kolén.

LUKAS 19:48

maik toé pecing lisé co’o molé nawan, ai sanggéd ro’éng pa'u naid agu Hias, agu ngoéng kétas séngét toing Dihas.

LUKAS 4:17

Téing oné Hia Kitab di nabi Yésaya, agu du poli wukan Liha, Hia dumpu curup ata manga tulisn:

LUKAS 4:21

Itu kali Hia pu’ung toing isé, mai taén: “Oné leso ho’o rapakn curup ho’o, du dengén le méu.”

LUKAS 5:3

Hia léti oné can wangka situ, wangka di Simon, agu jera hia kudut dur oné koéy cekoén, tadang oné mai lupi sano. Itug kali lonton Hia agu toing ata do situ éta mai wangkan.

YOHANÉS 8:2

Du le gula ucap, Hia manga koléy oné Mbaru de Mori Keraéng, agu sanggéd taung ro’éng mai oné Hias. Hia lontoy agu toing isé.

TOMBO PÉTÉ GORI DE RASUL-RASUL 16:13

Du leso sabat ami ngo be-pé’ang lewang béndar. Ami lako loléng ngalor agu cumang osang baté ngaji data Yahudi, ata poli pangong lami anggat manga nitu. Du poli lontogm ami tombo-tombo agu iné-wai ata nempung nitu.

TOMBO PÉTÉ GORI DE RASUL-RASUL 3:12

Du ita hitu li Pétrus, mai taén agu ata do situ: “Oé ata Israél, co’o tara lenget laingn le méu tanda lenget hitu agu co’o tara lélo ami, néhot lami kétag pandé lako kolén ata ho’o ali kuasa ko nggeluk dami?