LUKAS 4:18 - Bahasa Manggarai New Testament

¹⁸ “Nai de Mori Keraéng manga oné Akuy, ali Hia palas Akuy, kudut caing keréba di’a oné ata lénggé; agu Hia poli wuat Akun

LUKAS 4:18 ပူးပေါင်းရင်းမြစ်များ

MATÉUS 11:5

Ata buta ngancéng lélo, ata péko ngancéng lako, ata boké ciri helis wekin, ata nenteng ciri nilor, ata mata mosé kolé, agu oné isét lénggé ba keréba di’a.

MATÉUS 12:18

“Lélo ga, hitu Mendi ata pilé Rug ata momang Laku, hitut oné, Hia henan wakar Daku; Aku te na’a Naig nggeréta Hia, agu Hia caing bati agil oné uku do.

MATÉUS 12:20

Helung hiot tepo ndéo-ndaong, toét pandé kémpuk Liha, agu sumbu hiot saném dilan toét pandé pesay Liha, dengkir agu pandé komén Liha perénta hitu.

MATÉUS 4:16

uku ata sedep oné nendep itag lisé gérak mésé agu latang te isé siot kumbu le susa polig téa le gérak.”

MATÉUS 5:3

“Mosé di’a kéta ata lénggé oné ranga de Mori Keraéng, ai disé morin Adak Surga.

LUKAS 4:17

Téing oné Hia Kitab di nabi Yésaya, agu du poli wukan Liha, Hia dumpu curup ata manga tulisn:

LUKAS 6:20

Itu kali Mori Yésus lélo taung ata nungkun, agu mai taén: “Mosé di’am, oé méut lénggé, ai de méu morin Adak de Mori Keraéng.

LUKAS 7:22

Agu Mori Yésus walé isé: “Kolém ga, agu tura oné hi Yohanés, sanggéd situt ita agu dengé le méu: Ata buta ita atas, ata péko lakos, ata boké ciri helis kolé wekid, ata nenteng ciri nilors, ata mata mosé kolés, agu oné isét lénggé tombo keréba di’a.

YOHANÉS 1:41

Hi Andréas laring cain ngo cumang ka’én hi Simon, agu mai taén: “Ami poli cumang agu hi Mésias (ngong hi Kristus)”

YOHANÉS 12:46

Aku poli wa’u oné lino ho’og ného gérak, kudut néténg ata situt imbi Akus, néka ka’éng oné nendeps.

YOHANÉS 3:34

Ai céing ata wuat le Mori Keraéng, Hia ata caingn reweng dé Mori Keraéng, ai Mori Keraéng widang Nai Nggeluk toé manga beténgn.

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

TOMBO PÉTÉ GORI DE RASUL-RASUL 4:26

Sanggéd raja de lino mengkeks agu sanggéd ata tu’a laing, nempung te léwang Mori Keraéng agu Ata Palas Diha.

TOMBO PÉTÉ GORI DE RASUL-RASUL 4:27

Ai cetu’ungn poli nempung oné béndar ho’o hi Hérodés agu hi Ponsius Pilatus agu sanggéd uku agu néténg panga Israél, dungkang Mori Yésus, Mendim hitut nggeluk agu Ata Palas le Rum

KOLOSÉ 1:13

Hia poli ledo ité oné-mai kuasa de nendep agu hésing ité nggere-oné Adak de Anak Diha hitut momang.

JAMES 2:5

Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.