LUKAS 4:15 - Bahasa Manggarai New Testament

¹⁵ Cang hitun, Hia toing ata oné sanggen Mbaru ngaji, agu sanggéd ata naring Hias.

LUKAS 4:15 ပူးပေါင်းရင်းမြစ်များ

MATÉUS 13:54

Du cain oné béndar de Run, Mori Yésus toing ata situ oné mbaru ngaji rud. Og lenget kéta taungs agu mai taéd: “Mai nia maid Liha dumpun nggalas ho’o agu kuasa te pandé tanda lenget situ?

MATÉUS 4:23

Mori Yésus lako léok Galiléa; oné mbaru-mbaru ngaji, nitus Liha toing agu ba kréba di’a de Adak Surga, pandé moras sanggéd beti agu ata lema-léngkus ba wekid oné uku situ.

MATÉUS 9:35

Nenggitu dé Mori Yésus lako temu béndar agu béon, Hia toing oné mbaru-mbaru ngaji agu keréba Injil Adak Surga agu pandé morad sanggéd beti agu lendé.

MATÉUS 9:8

Wiga ata do situt ita pandé hitu, rantangs, itu kali naring Mori Keraéngd ata poli téing kuasa nenggitu oné manusia.

MARKUS 1:27

Isé jenger kéta taungs, wiga isé réi cama taud, mai taéd: “Apa kéta ho’o gé? Ho’o toing ata werun. Hia curup déméng agu kuasan. Sanggéd jing da’at kolé peréntas Liha agu lorong kaut Hias.”

MARKUS 1:39

Itug kali ngon Hia oné temu tana Galiléa agu tombo Keréba Di’a oné sanggéd mbaru ngaji disé agu mbér taungs sanggéd jing da’at.

MARKUS 1:45

Maik ata hitu ngo wéro-émbon pandé hitu agu tombo taung néténg ata, wiga Mori Yésus toé ngancéng kolé liba si’ang kétay nggere-oné béndar. Hia ka’éng bepé’angy oné osang ata lik mentuk kétay; koném nenggitu mai kéta kid ata do oné Hia, oné mai temu tana.

LUKAS 13:10

Manga cengkalin Mori Yésus ngai toingn oné ca mbaru ngaji du leso Sabat.

LUKAS 4:16

Hia ngo oné Nasarét, béo baté uwan, agu lorong laséngn du leso Sabat, Hia ngo oné Mbaru ngajiy, agu hesé kudut bacang Kitab Nggeluk.