LUKAS 3:8 - Bahasa Manggarai New Testament

⁸ Itu tara cir koé wua ata pakep tau agu teser. Agu néka nuk oné nai koés: Hi Abraham ema dami! Ai taé laku agu méu: Mori Keraéng ngancéng pandé sanggéd anak latang te hi Abraham oné mai sanggéd watu so’o!

LUKAS 3:8 ပူးပေါင်းရင်းမြစ်များ

MATÉUS 21:43

Landing hitu aku taé agu méu, te Perénta de Mori Keraéng kudut emiy oné mai méun, agu kudut téing oné ca uku ata cir wuan Perénta hitu. [

MATÉUS 3:8

Jari, cir koé wua ata kopn lorong agu tesérs.

MATÉUS 3:9

Agu néka bet le méu te ngancéng taé oné nais: hi Abraham dé empo dami. Landing aku taé agu méu: Mori Keraéng ngancéng dédék te ciri anaks latang te Abraham oné mai watu-watu so’o!

LUKAS 13:25

Émé hiat ngara mbaru poli to’on agu tadu paran, méu te hesé be pé’angm agu nontong mtaung para, mai taés: Keraéng, cengka koé para te ami! Agu Hia te walé agu mai taén ngong méu: Aku toé baé mai nia mais méu!

LUKAS 13:26

Maig taé de méu: Ami poli hang agu inung cama agu Itékm, agu Ité poli toing oné sanggéd salang béndar dami.

LUKAS 14:9

kudut ata hitu, hitut bénta hau, agu hia, néka mais agu mai taéd ngong hau: Téi keraéng ho’oy osang hitu. Itug dé hau simi-semarm, paka ngo lonto teke wan kéta.

LUKAS 19:40

Mai walé Diha: “Aku taé agu méu: Émé hema isé so’o, watu so’o te raos.”

LUKAS 19:9

Mai taé de Mori Yésus ngong hia: “Leso ho’o, poli cain selamak oné mbaru ho’o, ai ata ho’o kolé anak di Abrahamy.

LUKAS 5:21

Maik ata pecing Taurat agu ata Parisi taé oné naid: “Céing kéta péng ata ho’ot mbéis Mori Keraéngy? Céing ata ngancéng ampong ndékok, bom émé weki run Mori Keraéng kali?”

YOHANÉS 8:33

Mai walé disé: “Ami ho’o waé di Abrahamkm. Agu toé dé’it manga ciri mendi data laingkm. Co’o tara nggo’on taé de Hau: Méu kudut célam?”

YOHANÉS 8:39

Mai walé disé agu Hia: “Ema dami hi Abraham.” Mai taé de Mori Yésus agu isé: “Émé tu’ung kéta méu anak di Abraham, toét-toé méu te pandé ného apa ata poli pandé di Abraham.

TOMBO PÉTÉ GORI DE RASUL-RASUL 26:20

Maik laring cain kéta aku keréba oné sanggén ata oné Damsyik, oné Yérusalém, agu oné temu tana Yudéa, agu oné wa’u bana, te isé paka tesers agu holés nggere-oné Mori Keraéng agu pandé sanggéd cao-ca lorong agu teserd hitu.

ROMA 4:16

Landing hitu, reké hitu pu’ung le imbi, kudut lorong agu tabing, wiga reké hitu hena taung latang te waé di Abraham, toé hanang latang te isét mosé lorong wintuk Taurat, maik ngancéng kolé latang té isét mosé oné mai imbi di Abraham. Ai hi Abraham ciri ema de sanggéd taung ité –

ROMA 9:7

Nenggitu kolé toé sanggén ata situt bilang waé di Abraham ngong anak di Abraham taungs, maik: “Hanang oné mai waé di Ishak te caro waé de hau.”

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.