LUKAS 23:2 - Bahasa Manggarai New Testament

² Nitu isé pu’ung buang Hiad, taéd: “Poli regéng le rug ami ata ho’o pandé wéléng ata damiy, agu ré’ing bajar taki oné kaisér; agu taén latang te weki run: Hia léng hi Kristus Rajay.”

LUKAS 23:2 ပူးပေါင်းရင်းမြစ်များ

MATÉUS 17:27

Maik kudut ité néka rabos isé, ngo ga, oké pékang oné sano. Ikang ata haéng laring cain le hau, cau agu céngka mu’un, manga kali itan le hau séng bonén. Emi séng situ agu bajar oné isé latang te ranga Dakud agu te méu.”

MATÉUS 22:21

Mai walé disé: “Gambar agu tulis de Kaisér.” Mai taé de Mori Yésus agu isé: “Téing agu kaisér apa ata paka téing le méu agu kaisér agu oné Mori Keraéng le méu apa ata paka téing oné Mori Keraéng.”

MATÉUS 27:11

Itu kali Mori Yésus dadé oné ranga di Pilatus. Wakél de Adak Roma hitu réi agu Hia: “Raja data Yahudi Hau ko?” Mai walé de Mori Yésus: “Weki rum hau ata taé nenggitu.”

MARKUS 12:17

Mai kolé taé de Mori Yésus agu isé: “Téing oné Kaisér apa ata patun téing le méu oné Kaisér agu oné Mori Keraéng apa ata patun téing le méu agu Mori Keraéng!” Isé lenget kétas dengé curup Diha.

MARKUS 15:2

Mai réi di Pilatus agu Hia: “Raja data Yahudi Hau ko?” Walé kaut le Mori Yésus: “Taé de rum haup kali hitu ta!”

LUKAS 23:14

agu curup oné ranga disé: “Méu poli todang cé’é ranga dakun Ata ho’o, ného cengata ata pandé wéléng ro’éngy. Ita le rus méu, aku poli réi wangkér-walék Hiag, agu oné sala situt mboték de méu latang te Hia, toé can ata itan laku oné Hia.

LUKAS 23:5

Maik isé danga-danga kétas soré Hiad, mai taéd: “Hia cocong ro’éng ali toingn oné temu tana Yudéa; wangka oné mai Galiléa, haéng ho’o cé’é.”

YOHANÉS 18:29

Ali hitu, hi Pilatus ngo nggere-pé’ang isé, mai taén: “Co’o tara mbotékn le méu ata ho’o?”

YOHANÉS 18:30

Mai walé disé ngong hia: “Émé toé ata da’at Hia ho’o, toé mboték cé’é itéy lami.”

YOHANÉS 19:12

Pu’ung nitu main hi Pilatus anor te lego Hia, maik sanggéd ata Yahudi ciéks: “Émé lego lité ata ho’o, laing ité toé haé reba di Kaisért. Néténg ata situt rékéng weki rud ného rajay, ata hitu lawang Kaiséry.”

TOMBO PÉTÉ GORI DE RASUL-RASUL 24:13

Isé toé ngancéng téi sabi agu ité apa hitut baro disé ho’o ga latang te weki daku.

TOMBO PÉTÉ GORI DE RASUL-RASUL 24:5

Ami haéng ata ho’o cama ného ata beti puru, cengata ata pandé karukak oné bahi-réha sanggéd ata Yahudi oné temu tana lino agu hia cengata ata tu’a laing oné mai ata Nasrani.

ROMA 13:7

Bajar taung apa ata paka bajar le méu: taki latang te isét manga hakd te tiba taki. Béa oné ata siot manga hakd te tiba béa; téing rantang oné ata manga hakd te tiba rantang agu téing hiang oné ata situt manga hakd te tiba hiang.