LUKAS 22:41 - Bahasa Manggarai New Testament

⁴¹ Poli hitu, Hia ngo tadang nitu main, anggat cepeké watu déun, itu kali tikuln Hia agu ngajin, mai taé Diha:

LUKAS 22:41 ပူးပေါင်းရင်းမြစ်များ

MATÉUS 26:39

Itu kali Hia lako nggere-olo cekoén, tikuly agu ngaji, mai taéN: “Yo Ema, Emét ngancéng kéta, co’om laun piala séang ho’o oné mai Akun; landing néka ného hitut ngoéng Daku, maik lorong hitut baté ngoéng Dité.”

MARKUS 14:35

Hia lako nggere-olo cekoén, cembar kaut nggere-wa tanay agu ngajiy, kudut émé ngancéng susa pa’it ho’o hésing koé oné mai hian.

LUKAS 18:11

Ata Parisi hitu hesé dion oné mai ata bana agu ngaji nenggo’oy: Yo Mori, aku wali di’a agu Ité, ai aku toé ného ata situk, toé ata purak, toé ata gutek, toé ata mbérongk, agu toé kolé ného ata tegi béa ho’ok;

LUKAS 18:13

Maik hiat tegi béa hitu hesé déu-déuy, ngot hia toé nga’on te conga nggere-éta awang, maik hia kali entap di’a berambangn, agu mai taén: Yo Mori, ba’éng koé aku ho’ot ndékok.

TOMBO PÉTÉ GORI DE RASUL-RASUL 20:36

Du poli tombo hitun hi Paulus, tikul agu ngajiy, cama-cama agu iséy.

TOMBO PÉTÉ GORI DE RASUL-RASUL 21:5

Maik du polig leson ka’éng cama, ami lako rudakm. Sanggéd ata nungku agu winad, anakd, podo ami haéng pé’ang mai béndar; oné lupi nanga ami tikul te ngaji cama laing.

TOMBO PÉTÉ GORI DE RASUL-RASUL 7:60

Cang agu tikuln, télés kéta reweng, mai taén: “Mori néka koé tanggong oné iséy ndékok ho’o!” Poli kaut curup hitun, itug kali rowan.

TOMBO PÉTÉ GORI DE RASUL-RASUL 9:40

Maik hi Pétrus jera isé ngo pé’ang taungs, itug kali tikuln agu ngaji. Poli hitu holés nggere-oné rapu hitu agu mai taén: “Tabita, to’oh ga!” Itug kali wukad mata di Tabita agu du ita hi Pétrus, hia to’o agu lontoy.

IBRANI 5:7

Oné moséN ného manusia, Mori Yésus ngajiy tegi ali rétang nenep agu lanar lu’u mata oné Mori Keraéng ata ngancéng selamak Hia oné-mai mata. Ali nggelukN, tegi Diha sendo le Mori Keraéng.