LUKAS 22:39 - Bahasa Manggarai New Testament

³⁹ Itug kali Mori Yésus ngo nggere-pé’ang mai béndarn, agu ného olo main, Hia ngo nggere-éta Golo Zaituny. Sanggéd taung ata nungkun kolé, lut Hias.

LUKAS 22:39 ပူးပေါင်းရင်းမြစ်များ

MATÉUS 21:1

Du Mori Yésus agu ata nungkun cai ruis Yérusalém agu cai oné Bétfagé hitut manga éta golo Zaituny, jera le Mori Yésus sua taus ata nungkun,

MATÉUS 26:30

Du poli dérén lisé déré naring, ngog Mori Yésus agu sanggéd rasul nggeréta golo Zaitun.

MARKUS 11:11

Du cain oné Yérusalém, Hia ngo oné Mbaru de Mori Keraéng. Nitu Hia lélo kéta taung, maik landing ali manég tana, Hia ngo oné Bétaniay cama laing agu ata nungkun situt campulusua.

MARKUS 11:19

Woko manég tana, isé kolés oné mai béndar.

MARKUS 13:3

Du rémé lonton Mori Yésus éta Golo Zaitun dungka kéta agu Mbaru de Mori Keraéng, hi Pétrus, hi Yakobus, hi Yohanés agu hi Andréas, réi hanang koéd agu Hia:

MARKUS 14:26

Du polis déréd isé, déré naring Morin, og dé ngod isé éta Golo Zaitun.

LUKAS 21:37

Le leso Mori Yésus toing oné Mbaru de Mori Keraéng, agu le wié Hia ngo be pé’ang agu toko éta pocoy, hitut ngasangn Golo Zaitun.