LUKAS 22:32 - Bahasa Manggarai New Testament

³² Maik Aku poli ngaji latang te hau, boto nawor imbis. Agu hau, émé hau poli pa’éln, hau pandé mberes asé-ka’ém.”

LUKAS 22:32 ပူးပေါင်းရင်းမြစ်များ

MATÉUS 18:3

agu mai taén: “Aku taé agu méu, moron, émé méu toé teserm agu toé ciri ného anak koé ho’om, méu toé ngancéng ngo oné Adak Surgas.

MATÉUS 26:75

Itud nukn li Pétrus apa hitut curup le Mori Yésus agu hia: “Toé di kakors manuk, hau poli pali Akum telu ngkalin.” Itug kali ngo bepé’angn agu nesut rétangn le wéong kéta nain.

MARKUS 14:72

Agu du hitu muing kakor lalong te suang kalin. Itug kali nukn li Pétrus, te Mori Yésus poli dé’it curup agu hian: “Toé di sua mu’un kakor lalong, hau poli pali Akum telungkalin.” Og kali nenut kéta rétangn.

MARKUS 16:7

Maik ngom kali ga, tombo taung agu ata nungku Diha agu hi Pétrus: ‘Hia pado olo kin nggere oné Galiléa itu po méu; nitu di kudut ita si’ang Hia le méu, cama ného apa ata poli tombo Diha agu méu.’ ”

LUKAS 8:13

Tana nampar, ngong ata siot poli dengé curup situ, tiba kéta di’as lisé, maik isé toé wakés, wiga dokong kaut imbid, wiga du cain damang, okésg lisé.

YOHANÉS 14:19

Téké cekoén kali ga, lino toé ita kolé Akuy, maik méu ita Akum, ai Aku mosé, agu méu kolé te mosém.

TOMBO PÉTÉ GORI DE RASUL-RASUL 3:19

Landing hitu, doing koé agu teser ga kudut ampong ndékoks,

ROMA 8:32

Hia ata toé momang Anak Run, maik téi Liha latang te sanggén taung ité, ngancéng weli Hia toé téi sanggéd cao-ca oné ité kolé?

ROMA 8:34

Hi Kristus Yésus hitut poli matan? Ngot tambang kolé: Ngong Hia ata poli to’o kolén, ata poli lonto oné racap wanang de Mori Keraéng, ngot ciri Ata Kambé latang te ité?

2 TIMOTIUS 2:18

Isé poli wéléngd oné-mai molor ali toing te ité poli to’o koléd ga, agu ali hitu pandé rowak imbi data iwon.

TITUS 1:1

Oné-mai aku hi Paulus, mendi de Mori Keraéng agu rasul di Yésus Kristus latang te tinu imbi de weki serani agu pecing do latang te molor, ného hitut ita oné ngaji dité,

IBRANI 12:15

Jerék koém: boto manga cengatan ata mora tabing de Mori Keraéng, te ciri waké pa’it ata pandé rasung laing, wiga mangan ngai-ngaok agu rowak mosé ka’éng cama.

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

1 PETRUS 1:1

Oné-mai hi Pétrus, rasul di Yésus Kristus, latang te sanggéd isét long ata manga oné tana Pontus, Galatia, Kapadokia, Asia Koé agu Bitinia.

1 PETRUS 1:13

Landing hitu, mengkek di’a-di’a nai-nawa de méu. Jerék agu bengkes koé tu’ung-tu’ungm oné tabing hitut kudut téing oné méu du mai di Yésus Kristus tai.

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.