LUKAS 22:26 - Bahasa Manggarai New Testament

²⁶ Maik méu toé nenggitu, landing kali, hiat mésén kéta oné mai méu porong ciri ného anak koéy, agu hiat tu’a laing mana ata cau lewing.

LUKAS 22:26 ပူးပေါင်းရင်းမြစ်များ

MATÉUS 20:26

Toé de nenggitu oné mai méu. Céing ata ngoéng te ciri ata mésé oné mai méu, hia paka ciri ata keturu laing méuy,

MARKUS 10:43

Néka nggitu latang te méu. Céing oné mai méu ata lélak kudut ciri ata mésé, olong ciri ata intur laingy di,

MARKUS 9:35

Og kali lonton Mori Yésus agu béntas ata nungkun situt campulu sua. Mai taé Diha ngong isé: “Émé cengata ngoéng ciri tu’a laing, hia paka ciri ata koéy agu mendi data doy.”

LUKAS 9:48

agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

ROMA 12:2

Méu néka lorong wintuk de lino ho’om, maik caling koé ali pandé weru wintuks, wiga méu ngancéng baé ngoéng de Mori Keraéng: Apa ata di’an, ata henan agu ata besikn oné Hia.

1 PETRUS 5:3

Néka pandé néhot méu ata kuasa latangt te perénta isé situt irip le méus, maik poro ciri ata toming laing le jimbal situ.

1 PETRUS 5:5

Oé sanggés méu ata uwa, nenggitu kolé méu: Lorong koé ata tu’as! Agu sanggés taung méu, jinggop koé ba weki cama taus, ai nenggo’o tulis oné Surak Nggeluk: “Mori Keraéng pangga salang data siot mésé nai, maik momang ata siot jinggop.”