LUKAS 22:16 - Bahasa Manggarai New Testament

¹⁶ Ai Aku taé agu méu: Aku toé kéta hang kolék dengkir agu cai olon Adak de Mori Keraéng.”

LUKAS 22:16 ပူးပေါင်းရင်းမြစ်များ

LUKAS 12:37

Koméd tu’ung mendi situt repéng le morid, lari wela kid du cai diha. Aku taé agu méu: Moro matan kéta, hia te pongo awakn, agu jera isé te lonto hangs, agu hia mai te gatang isé.

LUKAS 14:15

Dengé hitu, maig taé de cengata oné mai méka situ ngong Mori Yésus: “Delék kéta ata situt tibas oné Adak de Mori Keraéng.”

LUKAS 22:15

Mai taé Diha ngong isé: “Aku belut kéta hang cama agu méuk, du Ramé Paska ho’o, be bolon mai séa Daku.

LUKAS 22:18

Ai Aku curup agu méu: wangka cé’é ho’o maig Aku toé kéta inung kolé anggor, dengkir cain Adak de Mori Keraéng.”

LUKAS 22:30

Landing hitu méu kudut hang agu inung ca méja agu Akum oné Adak Daku, agu méu kudut lonto lobo seriga latang te beté-bicar de panga campulu sua wa’u Israél.

YOHANÉS 6:27

Seber koém te gori, toé latang te hang bara hitut ngancéng pandé calang laing, maik latang te hang hitut ngancéng te mosé tédéng lén, hitut téing le Anak Manusia oné méu, ai Hia ata poli palasn le Mori Keraéng Ema.”

TOMBO PÉTÉ GORI DE RASUL-RASUL 10:41

toé nggere-oné sanggén wa’u Yahudi, maik oné ata saka-si, ata bebolon poli toi le run Mori Keraéng, ngong oné ami ata poli hang agu inung cama-cama agu Hia, du Hia poli mosé kolé oné mai ata matan.

WIDANG SI’ANG ONÉ HI YOHANÉS 19:9

Itu kali malékat hitu jera aku, “Tulis ga: Mosé di’a isét siro te hang cama oné ramé kawing de Anak Jimbal.” Mai kolé taén, “Ho’oy keréba ata molorn tu’ung, ai oné-mai weki Run Mori Keraéng.”