LUKAS 21:36 - Bahasa Manggarai New Testament

³⁶ Ambi koém, cang agu ngaji mtaung kudut méu delék mberes kudut cépé oné mai sanggéd situt kudut jaris, agu kudut méu ngancéng ta’ong hesé bolo mai ranga de Anak Manusia.”

LUKAS 21:36 ပူးပေါင်းရင်းမြစ်များ

MATÉUS 24:42

Landing hitu néka témo, ai toé pecing le méu du leso apa Moris hitu te maiy.

MATÉUS 24:43

Landing nuk di’a-di’a ho’o: Émé pecing lata ngara mbaru du nia le wié main ata tako, toét-toé wela kin, agu toé sondang mbarun te rampok 1atay.

MATÉUS 24:44

Landing hitu, méu kolé paka jengkek di’a-di’a, ai main Anak Manusia du toé kéta manga nuk calan le méu.”

MATÉUS 25:13

Landing hitu, ambi-ambi koé, ai toé pecing le méu leson, nenggitu kolé wién.”

MATÉUS 26:41

Ambi-ambi agu ngaji koém, rantang pa’u oné damangm: ai bo kali nais sundurn, landing weki les-lémbek.”

MATÉUS 8:20

Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

MARKUS 13:33

“Néka témo agu wela koé matas! Ai toé pecing le méu du nia leso redun.

MARKUS 13:37

Apa ho’ot tombo Daku agu méu, tombo kolé Laku agu sanggén ata: Néka Témo!”

LUKAS 1:19

Walé de malékat hitu agu hia: “Aku ho’o hi Gabriél, hitut tiba taé de Mori Keraéng, agu ata wuat te curup agu hau, agu kudut caing keréba di’a ho’o oné hau.

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

LUKAS 20:35

maik ata situt kopd te delék mosé oné lino bana hitu, agu lété to’o oné mai ata mata, toég manga laki agu wai koléd.

LUKAS 21:35

ai du leso hitu, rempé sanggéd ata oné lino ho’o.

TOMBO PÉTÉ GORI DE RASUL-RASUL 10:2

Hia nggelukn, agu sanggéd ata oné mbarun hiang Mori Keraéng agu dongkalin téi reco oné ata Yahudi agu dondé ngaji kamping Mori Keraéng.

1 KORINTUS 16:13

Jerék di’a-di’a! Metek koé imbis! Rani agu mberes koé nais!

2 KORINTUS 4:14

Pecing lami te Hia hitut pandé to’o kolé Mori Yésus, te pandé to’o kolé amiy cama laing agu hi Yésus. Hia kolé te dadé ami cama laing agu méu nggere-oné weki Run Hia.

KOLOSÉ 4:2

Seber koém oné ngaji, agu jerék koém oné wali di’a.

TÉSALONIKA 5:17

Kong ngajis méu.

2 TIMOTIUS 4:5

Maik hau, kuasa koé wekim oné sanggén cao-ca, ta’ong ga oné susa, ngoh ga te wéro Keréba Di’a agu paka pandé tu’u-tu’ung gori keturum hitu!

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.

1 PETRUS 5:8

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu.

1 YOHANÉS 2:28

Sanggéd anak daku! Nai ca anggit ga agu hi Kristus, kudut émé cai Hia tai, ité harat naid te cumang agu toé cau ritak te imbi Hia.

YUDAS 1:24

Asé-ka’én ata momang laku! Mori Keraéng ata ngancéng sémbéng méu, kudut méu néka timpokm agu dadé méu toé do’éng ndékok bolo-mai rangaN hitut mengit agu nisang nai.

WIDANG SI’ANG ONÉ HI YOHANÉS 11:4

Ngong isé situ dé, sua haju zaitun agu sua wa’i lampu situt hesé bolo-mai ranga de Mori agu Ngaran tanan wa – béangn éta.

WIDANG SI’ANG ONÉ HI YOHANÉS 6:17

Ai caig leson rabo mésé disé. Céing kéta ata ngancéng ta’ongn rabo hitu?

WIDANG SI’ANG ONÉ HI YOHANÉS 7:9

Poli hitu ita laku: monggur-kouk kétas lawa oné mai néténg wa’u, panga, uku agu curup hesé bolo-mai seriga agu bolo-mai ranga de Anak Jimbal. Sanggéd taung isé paké juba bakoks agu oné liméd cau saung cigir.

WIDANG SI’ANG ONÉ HI YOHANÉS 8:2

Og itad laku pitud malékat ata hesé bolo-mai ranga de Mori Keraéng, agu isé tiba pitud terompét.