LUKAS 21:12 - Bahasa Manggarai New Testament

¹² Maik be bolon taung situ, méu te deko agu kélo-balém; méu te todang oné sanggéd taung mbaru ngajim, agu mbaru bui; agu méu te buang oné sanggéd raja agu isét manga kuasad, landing ngasang Daku.

LUKAS 21:12 ပူးပေါင်းရင်းမြစ်များ

MATÉUS 22:6

agu ata iwod deko mendi situ, wahéng agu mbelés lisé.

MATÉUS 24:8

Maik sanggéd situ, hitus di wangkad susa pa’it du toé di cekeng weru.

LUKAS 21:11

agu te tua nupung mésé: néténg tana te teka némba agu darem mésé, agu te manga kolé apa ata wéda laingn, agu tanda situt winggar laing éta mai awang.

YOHANÉS 15:20

Nuk dé apa hiot poli taé Laku agu méu: Cengata mendi toé kéta céwé teke éta oné mai morin. Émé isé poli pandé da’at Akud, isé kolé te pandé da’at méu; émé isé poli lut reweng Dakud, isé kolé te lut taé de méus.

YOHANÉS 15:21

Landing sanggéd situ pandés lisé agu méu soho ngasang Daku, ai isé toé baé Hia, hitut poli wuat Akun.

TOMBO PÉTÉ GORI DE RASUL-RASUL 22:30

Maik kepala tentera hitu nanang te pecing tu’ung apa kéta betuan toso data Yahudi situ agu hi Paulus. Landing hitu ného diangn hia jera dadé hi Paulus oné mai buin agu perénta kudut imam-imam kepala agu sanggéd Adak Agama nempungs. Itu kali dadé hi Paulus oné mai mbaru de tentera kudut cumang agu isé.

TOMBO PÉTÉ GORI DE RASUL-RASUL 5:40

Isé bénta rasul-rasul situ, itus kali lucad lisé agu ré’ing isé néka toing le ngasang de Mori Yésus. Poli hitu legos lisé.

TOMBO PÉTÉ GORI DE RASUL-RASUL 8:3

Maik hi Saulus wuli kin te wahéng ata serani situ, agu hia ngo oné nété-néténg mbaru agu ndola nggere-pé’ang ata rona agu iné-waid agu téi isé kudut na’a oné buis.

TOMBO PÉTÉ GORI DE RASUL-RASUL 9:4

Hia cembary, agu dengé reweng ata curup oné hia: “Oé Saulus! Saulus, co’o tara wahéng Akum hau?”

1 PETRUS 2:13

Lorong toming de Morin, junggu koém latang te sanggéd ata cau kuasa, pu’ung oné-mai Kaisér ata landongn kuasa,

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.