LUKAS 20:38 - Bahasa Manggarai New Testament

³⁸ Hia toé Mori Keraéng disét matay, maik Mori Keraéng disét moséy, ai oné ranga Diha sanggéd ata, mosés.”

LUKAS 20:38 ပူးပေါင်းရင်းမြစ်များ

MATÉUS 22:32

Akuy Mori Keraéng di Abraham, Mori Keraéng di Ishak, agu Mori Keraéng di Yakub? Hia toé Mori Keraéng data matay, maik Mori Keraéng data moséy.”

MARKUS 12:27

Hia toé Mori Keraéng data mata, maik Mori Keraéng data mosé. Méu ho’o tu’u-tu’ung ata wéléngm!”

LUKAS 20:39

Dengé hitu, pisa taus ata pecing Taurat, taéd: “Tuang Guru, walém hitu, laing molorn kéta.”

YOHANÉS 14:19

Téké cekoén kali ga, lino toé ita kolé Akuy, maik méu ita Akum, ai Aku mosé, agu méu kolé te mosém.

YOHANÉS 6:57

Cama ného hi Ema hitut mosé ata wuat Aku, agu Aku mosé li Emak, nenggitu kolé, céing ata hang weki Daku, hia hitu te mosé Lakuy.

2 KORINTUS 13:4

Bo du pépék oné panggol lesN Hia, maik te ho’on ga Hia mosé koléy ali kuasa de Mori Keraéng. Bo tu’ung ami les oné nai ca anggit agu Hia, maik ami nai ca anggit agu Hia landing kuasa de Mori Keraéng latang te méu.

2 KORINTUS 6:16

Apa néng woé-joé mbaru de Mori Keraéng agu io pina-naéng? Ai ité ho’o mbaru de Mori Keraéng hitut mosé, ného curup ho’o de Mori Keraéng, “Aku kudut ka’éng cama agu isé, mosé oné bahi-réha isé, agu Aku kudut ciri Mori Keraéng disék, isé kudut ciri ro’éng Dakus.

IBRANI 11:16

Maik te ho’on ga, isé kembung tana kuni agu kalo ata céwé di’an, ngong tana kuni agu kalo éta Surga. Ali hitu, Mori Keraéng toé ritaky te caro Mori Keraéng diséy, ai Hia poli ambi ca béndar tédéng lén latang te isé.

WIDANG SI’ANG ONÉ HI YOHANÉS 22:1

Itug kali toin liha oné aku ngalor waé mosé oné be réha salang de béndar hitu, ata cino ného watu nggireng wa’a oné-mai seriga de Mori Keraéng agu seriga de Anak Jimbal.