LUKAS 20:17 - Bahasa Manggarai New Testament

¹⁷ Maik Mori Yésus lélo isé agu mai taén: “Émé nenggitu, apay weli betuan curup ho’o: Watu hitut oké lisét hesé mbaru, polig ciri watu landukn?

LUKAS 20:17 ပူးပေါင်းရင်းမြစ်များ

MATÉUS 21:42

Mai taé de Mori Yésus agu isé: “Toé dé’it bacang le méu oné Surak Nggeluk: Watu hiot oké lata pandé mbaru, polig ciri watu landukn: apa situt jari oné mai Mori, ca pandé ata lenget laing oné mata dité.

MARKUS 10:23

Itu kali Mori Yésus lélo ata nungkun situt baling mai Hia agu mai taén: “Menan tu’ung ata paéng do nggere-oné Adak de Mori Keraéng.”

MARKUS 12:10

Toé de’it baca le méu go’ét ho’o ko: ‘Watu hiot oké le tukang, poli ciri watu landuk laingn:

MARKUS 3:5

Hia nawes kéta nain ali teger nai disé, agu déméng cumpengn Hia énam taung ata lupi Hia, itug kali curupn oné ata hitu: “Lendor limém hitu ga!” Agu hia lendor limén, itug kali rodo ina kaut limén hitu.

LUKAS 19:41

Agu du Mori Yésus ruis gi, agu itag béndar Yérusalém, Hia rétangY landing béndar hitu,

LUKAS 22:37

Ai Aku taé agu méu: hitut tulis de Surak Nggeluk, paka cai olo oné Akus: ‘Hia te bilang neki agu isét raha do.’ Ai apa situt poli tulis latang te Aku, laing kéta pandé cai olod.”

LUKAS 22:61

Itug kali holésn Mori Yésus, lélo hi Pétrus. Hitu di nukn li Pétrus, te Mori Yésus poli taé agu hian: “Du toé di kakors lalong wié ho’o, hau poli pali Akum, telungkalin.”

LUKAS 24:44

Hia curup agu isé: “Ho’op hiot curup Daku, ata poli taé Laku oné méu, du Aku ngai ka’éng cama agu méug, hitut paka cai olo taungs, situt poli tulis latang te Aku oné Surak Taurat di Musa, Surak de taung nabi, agu Mazmur.”

YOHANÉS 15:25

Maik reweng situt poli tulis oné buku Taurat disé, paka rapaks: Isé kodo Akus toé kéta manga campitn.

TOMBO PÉTÉ GORI DE RASUL-RASUL 4:11

Mori Yésus hitu ného watu ata oké le tukang pandé mbaru – ngong weki rus méu – maik Hia poli ciri watu landukn.

ÉFÉSUS 2:20

Méu poli hesé bétan ligéng ata tena le sanggéd rasul agu le sanggéd nabi, agu hi Kristus Yésus dé ciri watu menggin.

1 PETRUS 2:6

Ai manga tulisn oné Surak Nggeluk: “Lélo dé, Aku poli pésék ca watu oné béndar Sion, watu landuk ata poli nggalé agu wegitn, céing ata imbi oné Hia, toé manga ritak laingn.”