LUKAS 20:16 - Bahasa Manggarai New Testament

¹⁶ Hia te mai agu pandé mempo taungs isét ciwal situ, agu imbi laing ata banay te ciwaln uma anggor hitu.” Dengé hitu, mai taé disé: “Néka kéta nenggitu!”

LUKAS 20:16 ပူးပေါင်းရင်းမြစ်များ

MATÉUS 21:34

Du tiong cai cekeng puad, hia jera mendin ngo oné isét duat kudut tiba cir ranga dihad.

MATÉUS 21:41

Mai taé disé agu hia: “Pandé ampus kéta taungs liha ata da’at situ agu uma anggorn téing séwa lata banas, hitut cird téing agu hias du hitug cekengd.”

MATÉUS 22:7

Rabo kétay raja hitu, itu kali jera lawan ngo nitu kudut pandé ampus taungs isét ala mendi situ agu tapa bendar disé hitu.

MARKUS 12:9

“Ho’o ga, co’o weli pandé dihat ngara uma hitu? Hia kudut mai agu ala kéta taungs isét séwa uma hitu, poli hitu téing uma hitu sawi lata banay.

LUKAS 19:27

Maik sanggéd ata bali daku so’o, so’ot toé ngoéngd te aku ciri rajad, dadé cé’é ho’os isé situ, agu mbelés wa ranga daku.”

LUKAS 20:15

Itug kali isé wéwéng be pé’ang mai uma anggor hitun anakn hitu, agu mbelén. Mai réi de Mori Yésus: Co’os weli pandéd lihat ngara uma anggor ata situ?

TOMBO PÉTÉ GORI DE RASUL-RASUL 13:46

Maik ali rani nain hi Paulus agu hi Barnabas koléng isé: “Bo tu’ung latang te méu kéta laring cain keréba reweng de Mori Keraéng, maik toé tiba le méu, agu toé remo te tiba mosé tédéng lén. Landing hitu ami holés oné wa’u banakm.

ROMA 11:1

Landing hitu aku réi méu: Ngancéng Mori Keraéng te oké ro’éng Run? Toé ngancéng! Ai weki rug aku kolé ata Israél, oné mai waé di Abraham panga di Benyamin.

ROMA 11:11

Landing hitu aku réi méu: Asa isét Israél, timpoks wiga ampus taungs? Toé nggituy! Maik ali lagé disé, selamak hitu cai oné wa’u banay, kudut pandé jogot isét Israél.

ROMA 3:31

Émé nenggitu, ngancéngk weli ami te koar wintuk Taurat méséng imbi? Toé kolé nggitu! Ngot ami pandé ndeng wintuk Taurat.

ROMA 3:4

Toé ngancéng! Ngot: Mori Keraéng hitu molor, maik sanggén manusia ata nggopét, ného manga tulis: “Kudut Ité tu’ung-tu’ung molord oné sanggéd curup Dité, agu ontong émé Ité hena le beté-bicar.”

ROMA 3:6

Toé ngancéng! Émé nggitu gi, co’oy Mori Keraéng ngancéng beté-bicar lino ho’o?

ROMA 6:15

Co’o weli ga? Ngancéngt ité pandé ndékok, ai ité toé be-wa mai wintuk Taurat, maik be-wa mai tabing? Toé kolé nggitu!

ROMA 6:2

Toé nggituy! Toé weli ité ata poli célad oné-mai ndékok, co’o tara ngancéng mosé kid oné ndékok?

ROMA 7:13

Émé nggitu gi, co’o léng hitut di’a tara ciri mata laing latang te aku? Toé kéta nggituy! Ndékok hitu pandé mata laing. Ndékok paké hitut di’a te pandé mata laing aku, kudut céwé si’ang tara de ndékok. Le wintuk hitu pecing lité te leng kéta tu’ung da’atn ndékok.

ROMA 7:7

Émé nggitu gi, apa ata kudut tombo lité? Cala manga ndékokn wintuk Taurat hitu? Toé ta! Ali lut wintuk Taurat aku pecing ndékok. Ai aku kolé toé pecing apa belek hitu, émé wintuk Taurat toé ré’ing “Néka belek!”

ROMA 9:14

Émé nggitu gi, apa ata kudut curup lité? Asa, toé agiln Mori Keraéng ko? Toé ta!

1 KORINTUS 6:15

Nuk dé, te sanggés méu ného nggota weki di Kristus. Jari, ngancéng weli laku emi nggota di Kristus hitu te ciri nggota weki data mbérong? Toé!

GALATIA 2:17

Maik émé ami ata ndékok kigm, ngai rémé wuli wekigm kudut patun le Mori Keraéng ali nai ca anggit agu hi Kristus, co’o weli hitu ga, landing hi Kristus hitu tara ndékokg ami ko? Toé kéta nggitu’y!

GALATIA 3:21

Émé nggitu gi, woléng taud weli wintuk Taurat agu reké de Mori Keraéng ko? Toé kéta manga nenggitun. Ai émé wintuk Taurat hitu téing le Mori Keraéng kudut ngancéng te mosé manusia, ngong manusia patun one Mori Keraéng ali wintuk Taurat hitu.

GALATIA 6:14

Maik aku toé gorig bombong rak, bo émé bombong rak oné panggol de Mori dité Yésus Kristus. Ai le mata Diha oné panggol, lino ho’o toé manga betuan latang te aku, ko aku latang té lino ho’o.